Popular Bible Verses from Uluk 8

Share

Itọng angi i mbu wu he itang inunung i yi na bendi abe be gyo igie Unim kwu angi fe he lityam linunung angi li ke ife kaa kpe nya ana kikwukwan ashi ki wum agbe.”

Itọng angi i mbu wu he liwu ítọng, i yi na bendi abe be gyo igie Unim, ukpọ ufung awa-ale mbee kunyọng gbe le biwọm igye anyin, le bingbeb, le benyin igye anyin bi tim gwu angi ma ukpọng i ha kaa kpe, nya ana kikwukwan ashi agbe ama a bi ye.

Itọng angi i mbu pwọm he kukọ i yi na bendi abe be gyo igie Unim kpe ngi le igọ. Ukpọ i ngwee ha abe atyam ye likọye be yi faale idaa. Be bọng he kanwaa kunyọng zang a. Gbe ugil-ale a be, be tyang abọng-ale.

Ujeso a bii bendi-utung bema le, “He kung abọng-ale amen a yi?” Ki ma kwu abe he kuhwo, be fel shel. Be bii bende le: “Kibang kitaa undi ashi u yi? U kọng ha kufem le umbwo, bi ka he ife.”

Itọng angi i mbu wu he ubi-kukwo i yi na bendi abe be gyo igie Unim gyo-gyo, usu bibibi u be kpe kung angi le ha abe atyam he be bọng ye, teng be kwa le likpan kunyọng.

Kiwọm kiyang-yang ashi ki yi he kundyel, be ba ba le shi he kugboo he bendi be nde shi, be gyo ashi.

Ungingye umen ana a nde le a tem ndyel ashi mbee ye, u fel tung fọfọ. A be tim anung he itang he kushu Ujeso. He ashi bendi puu, a de Ujeso atan-lengi angwu a tyọ he kubwo le kitaa ashi a mbee nya kukwo-kukwo. Ujeso a kung de-e le, “Unwa-agi, abọng-ale agang a sha-a wo mbee. Gye le kukwun.”

Bendi-utung Ujeso be le wum he de-e le, “Ukandi, ukandi, li nim inim dii!” Ujeso a kung bo kinaa kọng ha kufem le umbwo le bi kwun atyung. Bi kung kwun atyung shang.