Popular Bible Verses from Uluk 7

Share

Ngye le benyin bekandi abe a tyung nyin be tyung le mi tyang biban bima puu ke-e. Undi angwu Unim a tyang kiban zang a ke-e, u tyung benyin zang a.” Ujeso a de angwu ungingye ana le, “Mi tyang biban bigang ka-a.”

Ujeso a kung de ungingye angwuna le a fel le likpan kunyọng likọye a bọng he ahe. U ndu gye le kukwun.

A be Ujeso le he item, u die ngie abee ama keb akye akyele wu-e he abee, u bel le igil ima shel he angi, u fe-e angi ungwu, u kung behwu abena wu-e he abee he ki tyung ife.

Mi nde kuhwo-gi le mi kpe angwu mi naa he kushu ye. Wo kọng igie ife-ife ọ, ma ubọyi ugi u mbee. Mi ọ titi, mi yi he kubwo bekandi ishogya abe be yi-m le he kushu, mi shi ishogya isuso le he kushu. Mi da undi ken le u gye ha ana, u gya ha. Mi da angwel le u be nyin, u ba. Mi da ubọyi ugi le u shi kiwọm, u sha ashi.” Ujeso a gyo ashin, ki kwu-e he kuhwo. A bel ashi nde liwu bendi abe be yi utung he ahe, a de be le, “Mi kee le ma ngye le mi wa nde undi le abọng-ale kitaa i he Izwel ọ ngye ye.”

Nya he kunyọng kumen ana Ujeso a ma mbee bendi gbam le he angbam atyetye-atyetye, u ndo ikeb ibibi, u shi bihwọ-ashi gbam bi fel nde. A fan bendi abe Ujọn a sọm le, “Ma tem le de-e biwọm abi ma nde le abi ma gyo. Ma de-e na abe be hwọ ashi be fel nde, abe be hwo abee be fel tan, abe akpaa be taa, abe be kwọm atyung be fel gyo, akwọm a wum, bendi-likaa be gyo kisọm kinunung.