Popular Bible Verses from Uluk 6

Share

Ma ke bendi kuke, ma Unim u ba ka amen. U ba kee kiwọm shwa lululu ngya abwo, yi ashi, kee shwa bwel-bwel-bwel bel fa men. Kigbọ ashi ma kee ke undi na Unim u be kee ke men.”

Undi ununung u ba le kinunung le he ahe lityam angi li sho le biwọm binunung, undi ubibi u be le bibibi le he ahe lityam angi li sho le biwọm bibibi. Ungwu undi u kọng kiwọm ashi ki sho he ahe lityam a.”

Ki nyin amen le bendi-linaa bemen, ma shi kinunung ha abe. Ma pwee abe kiwọm le lishi andọ-ale le be tem le shi ka men ye, ma ma ba kpa kuke kukandi, ma kwu bebwaa Unim angwu a dyam hwo puu. Ufe u sha kinunung ha bendi abe be pee he ye le abe bebibi.

Ma kwu le beshi ha bendi nya ana Atyamen Unim u yi le be.”

Ujeso a gye kushu kọng le, “Ma tang undi ushe ye, ma Unim ọ u tang amen ushe ye. Ma ke undi libi ye, ma Unim ọ u ka amen libi ye. Ma tyang ke bendi, ma Unim ọ u tyang ka amen.

Ujeso a mbee de be le, “Mi da amen abe ma dang kutyung gyo mi le ki nyin amen le bendi-linaa bemen; ma shi kinunung ha bendi abe be tel amen. Ma de Unim le u ke bendi abe be buu amen atye kukwun, ma kọng ha Unim ke bendi abe be teb le men.

Biwọm puu abi wo kee le bendi be shi ka-a, wo kung abi shi ke be.

Gbe undi a kpam a kubwo he kunaa, bel ahwu ken ndọ he he u mbee kpam. Gbe undi a waa kpa-a ukpe aliga angwu le he igye, tyang he u mbee waa kpe angi le ha afee ọ titi. Gbe undi a nyọng-a kiwọm, wo ke-e ashi. Gbe undi a kung a kiwọm, de-e le u tem le shi ka-a ye.

Ujeso a mbee kọng le, “Ukwan ununung u wum agbe abibi ye, ukwan ubibi u wum agbe anunung ye.

Be ngya ukwan uyang-yang gba he agbe angi u wum a. Wo ha ndu bung agbe Uvine le he bidang, nyọng wo bung agbe Ufig le he ítọng ye.