Popular Bible Verses from Matiu 27

Share

Ke ñkpọ nte ñkanika ita uwemeyo, Jisọs ama ofiori ke ọkpọsọñ uyo ete, “Elai, Elai, Lema Sabaktani?” Emi ọwọrọ ete, “Abasi Mi, Abasi Mi, nsinam Afo ọkpọñde Mi?”

Ke ndo ndo oro, ikpehe Edisana itie uwa ama asiaha ke mbak iba ọtọñọde ke enyọñ tutu osim isọñ, ndien isọñ enyek, mme itiat enyuñ esiaha, mme udi ekubọrede ndien mme ediwak ikọt Abasi emi ekekpañade ema etọñọ ntak eset ke ñkpa edu uwem.

Ndien ke ini Jisọs ama akafiak ofiori ke ọkpọsọñ uyo, Enye ama ọduọk akpatre ibifik Esie.

Ke ini etubom ekọñ ye mme mmọ emi ekedude ye enye ekpeme Jisọs ekekutde unyekisọñ ye kpukpru se iketibede, ndik ama anam mmọ eti eti, ndien mmọ ema efiori ete, “Ke akpanikọ Enye ekedi Eyen Abasi!”

Ọtọñọde ke uwemeyo oro, ekim ama ofuk ofuri iso isọñ, emi ekebighide osim ñkpọ nte ñkanika ita uwemeyo.

Ndien Pailet obup mmọ ete, edọhọ nnam didie ndien ye Jisọs emi ekotde Kraist? Mmọ kpukpru ema ebọrọ ete, “Kọñ Enye ke eto”. Do ke Pailet okobup mmọ ete, “Ntaha? Nso idiọkñkpọ ke Enye anam?” Edi mmọ etetim efiori ke ọkpọsọñ uyo ete, “Koñ Enye ke eto.”