Mme ikpọ oku ema ekesobo ye mme ikpọ owo, ndien mmọ ema ebọp uduak mmọ; mmọ ema enọ mme mbon ekọñ ata ediwak okuk, ndien edọhọ mmọ ete, “Mbufo enyene ndidọhọ ete, ke mme mbet esie ekedi ke okoneyo ediyip okpo Esie ke adaña ini emi mmimọ ikedede idap.
Ndien edieke ada ibuot ukara okopde ikọ emi, ñnyin iyeyuhọ enye inyuñ isioño mbufo ke afanikọñ ifep.”
Ntre ke mme mbon ekọñ ekebọ okuk oro enyuñ enam nte eketemede mmọ. Ndien mbuk emi ama atara ọyọhọ ke otu mme Ju tutu osim idem mfin emi.