Popular Bible Verses from Matiu 26

Share

Etaba idap enyuñ ebọñ akam, man mbufo ediduọ eduk idomo. Spirit onyime, edi obukidem emem.”

Do ke Enye ọkọdọhọ mmọ ete, “Mfuhọ ofuk ukpọñ Mi tutu ekpere idaha ñkpa. Etie mi enyuñ ekpeme ye Ami.”

Enye ama asaña aka iso esisit, ndien ama ọduọ ofuk iso Esie ke isọñ, onyuñ ọbọñ akam ete, “Ete Mi, edieke edide mmemmem, yak ebọ Mi kọb enyemi. Edi idighe nte Ami nduakde, edi yak edi nte Afo aduakde.”

Koro emi edi Iyip Mi emi ọbọpde obufa Ediomi, emi eduọkde ebaña edifen mme idiọkñkpọ ediwak owo.

Nte mmọ ekesuk ediade ñkpọ, Jisọs ama emen uyo, ndien ọnọ ekọm, onyuñ obuñ, ndien ọnọ mme mbet Esie, ọdọhọ ete, “Ebọ enyuñ eta, emi edi idem Mi.”

Ndien Enye ama emen kọb, onyuñ ọnọ Abasi ekọm, ndien ọnọ mmọ, ọdọhọ ete, “Eñwọñ kpukpru mbufo.

Do ke Enye akafiak ebine mme mbet Esie ndien okokut mmọ nte edede idap. Enye ama obup Pita ete, “Nte mbufo ikemeke nditie ñkpeme eyo ye Ami ke ñkpọ nte awa ñkanika kiet?

Ami ndiñwọñke nto mfri eto Vain aba ọtọñọde ke emi tutu osim usen emi ndiñwọñde ke obufa usuñ ye mbufo ke Obio Ubọñ Ete Mi.”

Ntem ke Pita eketi se Jisọs eketiñde: “Mbemiso ekikọ ọkpọk, afo eyekañ Mi ikata.” Ndien enye ama adaha ọwọrọ añwa akatua eyet ata eti eti.

Edaha eda, eyak ñnyin ika. Sese anditap Mi mi, kedi.”

Jisọs ama ọdọhọ enye ete, “Sin akañkañ fo ke efọk esie, koro kpukpru mmọ emi emende akañkañ, eyekpa ke akañkañ.