Popular Bible Verses from Maake 14

Share

Na ɔzele kɛ, “Egya, Egya, debie biala ɛnza wɔ yɛ. Maa dwora kɔpo ɛhye ɛkpa me ti. Noko akee tɛ mɔɔ mame mekulo la ɔ, na emomu, wɔ ɛhulolɛdeɛ ɛdeɛ ne ɔ.”

Bɛ nee me ɛzinza na bɛzɛlɛ na anrɛɛ yemɔ Abɔnsam bali bɛ nwo zo konim. Ɔboalekɛ, sunsum ne kulo, na nwonane ne a anwo ɛnyɛ se a.”

Na mese bɛ nɔhalɛ nu kɛ, aleɛabo ɛleka biala mɔɔ bɛbaha Edwɛkpa ne la, bɛbahakye mɔɔ raalɛ ɛhye ɛyɛ la noko na bɛaye ye nwolɛ ayɛlɛ.”

Akee ɔzele bɛ kɛ, “Me ɛkɛla ɛlɛdi nyane ahɔ ewule nu bɔbɔ; bɛdenla ɛke bɛhendɛ na bɛ nee me ɛzinza.”

Na mɔɔ bɛdi aleɛ ne la, Gyisɛse vale kpanwo na ɔzɛlɛle Awulae nyilalɛ ɔguale zolɛ, akee ɔbubule nu azinli azinli ɔhyɛle ɔmaanle bɛ na ɔzele kɛ, “Bɛlie bɛli, ɔluakɛ ɛhye a le me nwonane ne a.”

Akee ɔvale nwanye kɔpo ko na ɔyɛle Awulae Nyamenle mo wɔ nwolɛ na akee ɔvale ɔmaanle bɛ; na bɛ muala bɛnlonle bie. Akee ɔzele bɛ kɛ, “Ɛhye a le me mogya ne mɔɔ bɛbahwi bɛagua wɔ menli dɔɔnwo ɛtane ti a la, na yemɔ yɛɛ bɛva bɛzɔ Awulae Nyamenle nee menli avinli ngyehyɛlɛ fofolɛ ne anloa a.

Na Gyisɛse zele bɛ kɛ, “Bɛ muala bɛbakpo me, ɔluakɛ, Awulae lua ngapezoma ne mɔ anwo zo ɛha kɛ, ‘Mebahu Boaneneavolɛ ne, na ɔlua zo mboane ne mɔ babɔ asande.’

Bɛrɛla! Bɛdwazo! Ɔwɔ kɛ yɛkɔ! Bɛnlea! Mɔɔ baye me amaa la ɛdwu ɛke dɛbadɛba!”

Gyisɛse zele ye kɛ, “Pita, ɛbaza ɛ ne fane nsa wɔ me nwo kolaa na akɔlɛ abɔ fane nwiɔ wɔ ɛhyema aleɛbahye.”