Popular Bible Verses from Maake 13

Share

Na awie biala bakpɔ bɛ kɛmɔ bɛle me deɛ la ati. Na awie biala mɔɔ kɛgyinla kpundii kɛhɔ awieleɛ, mɔɔ ɔnrɛkpo me la, yemɔ a bɛbalie ye ngoane a.

Na suzuamgba ala mɔɔ bɛnze mekɛ mɔɔ ɛhye mɔ amuala bazi la ati, bɛla bɛ nwo zo. Bɛmaa bɛ nye ɛla me ade, wɔ me maleɛ ne anwo.

Na saa bɛkye bɛ, na saa bɛkabua bɛ mgbɔvodɛne a, bɛmmamaa edwɛkɛ mɔɔ bɛbaha bɛalie bɛ nwo la yɛ bɛ adwenledwenle. Bɛha edwɛkɛ biala mɔɔ Nyamenle ɔdaye ɔkɛze bɛ ala la. Ɔluakɛ, tɛ bɛ a bɛbadendɛ a, na emomu, Sunsum Nwuanzanwuanza ne ɔ.

Anwuma nee aze bapɛ nu aze ahɔ, na me edwɛkɛ ne ɛdeɛ, yemɔ bɛnrɛpɛ nu bɛnrɛze ɛlɛ, ɔwɔ ɛkɛ ne dahuu dahuu.

“Na kenle kpɔkyee zɔhane anzɛɛ dɔnehwele holɛ ko ne mɔɔ ɛhye mɔ amuala bazi nuhua la ɛdeɛ, yemɔ awie biala, bɔbɔ Anwumabɔvolɛma ne mɔ mɔɔ wɔ anwuma belemgbunli maanle ne anu la, anzɛɛ mame bɔbɔ, biala ɛnze; Selɛ ne ala a ze a.

Na konle konle noko basisi ɛleka ɛleka moamoa nee yɛ bo anwo ɛke ala, noko akee ɛhye ɛngile kɛ awieleɛ mekɛ ne ɛdwu.

“Ɛhye ati bɛgua bɛ nye aze kpalɛ! Ɔluakɛ, bɛnze kenle mɔɔ mebara a, saa wɔ nɔsolɛ nu o, saa nɔɔzo o, saa aleɛbahye o, anzɛɛ saa ewiazo o, bɛnze! Bɛmmamaa mebato bɛ kɛ bɛdeda o. Bɛzinza bɛhendɛ me maleɛ ne! Ɛhye a le me nrɛlaleɛ mɔɔ melɛfa meamaa bɛ nee awie biala a.”

“Ɔluakɛ, maanle maanle baho atia bɛ nwo ngoko ngoko, na azɛlɛkpusulɛ dɔɔnwo bara wɔ ɛleka dɔɔnwo ne ala, na ɛhɔne noko ara. Na ɛhye mɔ amuala kile anwubɛnyunlu kpole ne mɔlebɛbo ne ala.

Na ɔwɔ kɛ bɛdumua bɛda Edwɛkpa ne noko ali bɛkile maanle maanle kosooti kolaa na awieleɛ mekɛ ne adwu.

ɔluakɛ, dɔɔnwo ne ala bara wɔ me duma nu araze kɛ, bɛmɛ a bɛle bɛ Ngoanedievolɛ ne a, na bɛbamaa menli dɔɔnwo ne ala avo adenle ne.

Na saa ɛhye mɔ bɔ ɔ bo kɛ ɔsisi a, ɛnee bɛnlea bɛ nwo boɛ! Ɔluakɛ, bɛbahɔ amaneɛnwunle nu. Bɛbaye bɛ bɛ nee bɛ ahɔ mgbanyinli anyunlu wɔ bagua nu; na bɛabo bɛ wɔ ayialeka ne mɔ, na bɛagyinla amɛnladoma nee arelemgbunli anyunlu na bɛabua bɛ ndɛne wɔ mame me ti, na bɛava bɛali daselɛ kɛ bɛle me ɛdoavolɛma. Na ɛhye noko a le bɛ mekɛ kpalɛ ne mɔɔ ɔwɔ kɛ bɛka Edwɛkpa ne bɛkile bɛ a.

Ɔluakɛ, Ngoanedievolɛma adalɛ nee ngapezoma adalɛma dɔɔnwo ne ala badwazo mɔɔ bɛbayɛ nwanwane ninyɛne dɔɔnwo na bɛahile sɛkɛlɛndeɛ ɛzulolɛ ɛzulolɛ, mɔɔ saa wɔannea bɔbɔ a bɛbava bɛabɛlɛbɛla Awulae Nyamenle mumua ne Ɔ mra mɔɔ yekpa bɛ bɔbɔ la a.

“Na wɔ anwubɛnyunlu ne anzi, akee sɛnzɛne ne bayɛ kusuu, na siane ne noko ɛnrɛda, na nwɔlɛra ne mɔ noko badudu agua aze na anwuma maanle ne amuala bawozo gyigyi gyigyi zɛhae ala.