Popular Bible Verses from Dwɔn 16

Share

Meha ɛhye mɔ amuala mehile bɛ, amaa bɛanyia anzondwolɛ wɔ bɛ ahonle nee bɛ adwenle nu. Bɛbanwu amaneɛ nee alɔbɔlɛ dɔɔnwo wɔ ewiade ɛhye anu; noko bɛgyinla kpundii, ɔluakɛ mehomo ewiade anwo zo bɔkɔɔ.”

Saa nɔhalɛ Sunsum ne ba a ɔbahilehile bɛ nɔhalɛ ne; ɔluakɛ ɔnrɛva ɔdaye ɔ ti anwo tumi ɔnrɛdendɛ, na emomu mɔɔ ɔbade la yɛɛ ɔbaha a; na eza noko yeaha mɔɔ bazi la amuala yeahile bɛ.

Sumunli kɛ de la, bɛtɛbizale debie biala wɔ me duma nu; bɛbiza na bɛ sa kɛha ye, amaa bɛ fɛlɛkolilɛ ne ali munli.

Nɔhalɛ ne a le kɛ, ɔlua bɛ boɛyɛlɛ ti a melɛkɔ a, ɔluakɛ saa meangɔ a, Arɛlekyekyevolɛ ne ɛnrɛra. Kyesɛ mekɔ na meazoa ye wɔ bɛ nwo. “Na saa ɔba a, ɔbamaa ewiade amra anwu ngakyile mɔɔ wɔ ɛtaneyɛlɛ, tenleneyɛlɛ, ɔ nee ndɛnebualɛ avinli a.

Zɔhane ala yɛɛ kɛkala bɛlɛdi nyane a, noko mebanwu bɛ bieko na akee bɛ nye alie, yɛɛ awie biala noko ɛnrɛhola zɛhae fɛlɛkolilɛ ne die fi bɛ sa nu ɛlɛ. Zɔhane mekɛ ne anu, bɛnrɛbiza me debie biala. Nɔhalɛ nu meka meahile bɛ kɛ, debie biala mɔɔ bɛkɛbiza bɛkɛvi Egya ne lɔ wɔ me duma nu la, ɔbava yeamaa bɛ.

Nɔhalɛ nu meka meahile bɛ kɛ, bɛmɛ bɛbazu, na eza bɛaye awolɛ, na ewiade amra anye balie; bɛmɛ mɔ bɛbali nyane, na bɛ nyanelilɛ ne bahakyi fɛlɛkolilɛ.