Popular Bible Verses from Dwɔn 15

Share

“Nɔhalɛ nu, mame a le Nwanye Tola ne a; yɛɛ bɛmɛ noko a bɛle ye ngane ne mɔ a. Awie ko biala mɔɔ kɛdɛnla me nu, na medame noko menwɔdɛnla ye nu la ɔbazo ma dɔɔnwo. Ɔluakɛ saa bɛkoati me a bɛnrɛhola ɛhwee biala yɛ.

Bɛdɛnla me nu, na medame noko mendɛnla bɛ nu. Ɔluakɛ ngane biala te ɔ nwo fi baka ne anwo a, ɔngola ɔnzo, kyesɛ ɔbeta nwanye baka ne anwo. Zɔhane ala noko yɛɛ saa bɛkoati me a, bɛnrɛhola ma biala so a.

Na saa bɛtɛnla me nu na bɛdi me mɛla zo a, yemɔ debie biala mɔɔ bɛkɛbiza me la, menwɔyɛ menwɔmaa bɛ.

“Tɛ bɛmɛ a bɛyele me a; na emomu mame a menyele bɛ a. Menyele bɛ amaa bɛazo ma kpalɛ dahuu, amaa saa bɛdua me duma nu bɛbiza Selɛ ne debie biala a yeava yeamaa bɛ.

Ɛhulolɛ biala ɛndɛla kɛ sonla kɛva ye ngoane kɛdo ɛkɛ kɛmaa ɔ gɔnwo mɔ.

Ngane biala mɔɔ ɛnzo ma la ɔpepɛ bɛ ɔgua, na nuhua ne mɔɔ so ma noko la yemɔ ɔyeye nwolɛ amaa bɛazo dɔɔnwo kpalɛ.

Me mɛla ne ɛne: bɛhulo bɛ nwo ngoko ngoko kɛmɔ mehulo bɛ la.

Ɛdoavolɛ biala mɔɔ nɔhalɛ nu le me deɛ la so ma dɔɔnwo. Na ɛhye noko fa anyunlunyia kpole bɛlɛ Egya.

“Mame a le nɔhalɛ Nwanye Tola ne a, yɛɛ Egya noko a le Ɛyasovo ne a.

Awie biala mɔɔ kɛde ɔ nwo kɛvi me nwo la bɛpɛ ye bɛto, na ɔyɛ ɛyɛne bɛfa ye bɛkua senle.

Meha ɛhye mɔ mehile bɛ, amaa bɛali fɛlɛko ne mɔɔ melɛdi la bie, amaa bɛ fɛlɛkolilɛ ne ali munli.

Saa bɛdi me mɛla zo a mebanyia bɛ nwo ɛhulolɛ dahuu, kɛmɔ medi Egya mɛla zo na ɔlɛme nwo ɛhulolɛ la.

Me mɛla mɔɔ mefa meamaa bɛ la ɛne. Bɛhulo bɛ nwo ngoko ngoko.

Saa bɛle ewiade amra a anrɛɛ ewiade bahulo bɛ edwɛkɛ, na ɔluakɛ meye bɛ mevi ewiade, na bɛnle ye deɛ bieko la ati, yemɔ a le bɛ anwubɛnyunlu.