Popular Bible Verses from Dwɔn 17

Share

Te bɛ nwo wɔ nɔhalɛ nu, na kilehile bɛ amaa bɛ nwo ade ayɛ nwuanzanwuanza.

Na adenle mɔɔ bɛfa zo bɛnyia zɛhae damɛnlangoate ngoane ne la a le kɛ bɛkɛnwu wɔ, kɛ wɔmɔ a ɛle nɔhalɛ Nyamenle kotokokye ne a, na eza bɛkɛnwu kɛ ɛdawɔ a ɛzoanle Gyisɛse Kelaese wɔ azɛlɛ ye azo a.

“Tɛ ɛhye mɔ angome a mesɛlɛ meamaa bɛ a, na emomu awie biala noko mɔɔ kɛlua bɛ daselɛlilɛ ne azo kɛra me ɛkɛ la boka nwo, amaa bɛ muala bɛabɔ nu bɛayɛ ko; kɛmɔ ɛdawɔ Egya ne ɛde me nu, na medame noko mede wɔ nu la, amaa bɛdabɛ noko bɛadɛnla yɛ nu, na ewiade alie ali kɛ wɔmɔ a ɛzoanle me a.

Tɛ mɔɔ asɛɛ mesɛlɛ wɔ amaa wɔaye bɛ wɔavi ewiade anu ɔ, na amomu amaa wɔabɔ bɛ nwo bane wɔavi Abɔnsam asa anu.

“Meva koyɛlɛ anyunlunyia ne mɔɔ ɛvale ɛmaanle me la memaa bɛ, amaa meadɛnla bɛ nu, na ɛdawɔ noko wɔadɛnla me nu, na yɛ muala yɛayɛ ko ɔlua zo ewiade anwu kɛ ɛdawɔ a ɛzoanle me a, na eza bɛade ɔ bo kɛ ɛkulo bɛ, kɛmɔ ɛkulo me la.