Popular Bible Verses from Rawma iyi 3

Share

Tata fuk i kəɗal hem za, tata guduk abə səndawl tə Bizlaf. Ama Bizlaf seh, kəɗi əŋ səntaŋ ŋga, kəmbaɗta za haya əŋ hedi sə delele iyi kəɗi əŋ Yesu Almasihu mə rehta mar tə əŋ nja tata tə əŋ məva.

Bizlaf a mbaɗ hedi iyi əŋ hedi sə delele iyi seh, kəɗi kuw ma tata əŋ Yesu Almasihu. A ɗalu əŋ hedi iyi fuk i mə ɗiy kuw ma tata a mbiŋ. Məŋgəvday məsəkəŋ mə wuɗak hedi əŋ faŋw tata seh halla.

Bizlaf kəvəl Yesu Almasihu za mənaŋ məsəkəŋ mandaham kə fat ley baŋ hem tə hedi iyi: kəɗi əŋ kuw ma ŋga ha a gwar ley mbaɗaha məmbəz ŋga, Almasihu ta, kəgiz za Bizlaf seh, ar hedi sə delele kwa a pipi a pipi. Kəɗal za zlezle əŋ mbiŋ mə dak nəf, mbiŋ mə yakaŋta hem tə hedi iyi. Əŋ hala mənjawa, məŋgəvday a kəmba ley mbaɗ əŋ hedi sə delele, abə ley mbaɗ hedi mə kuw ma tə Yesu iyi əŋ hedi sə delele iyi fuk a lay ta.

Kwa hedi ntaɗ mə nda i mbaɗ əŋ hedi sə delele a ma tə Bizlaf abə ley waŋgaŋ talaŋ əŋ ma majaw seh halla. Ma majaw a gula i giz məsəkəŋ seh, a talaŋ hem taataɗ dap.

Mənaŋ ma mawuzlel tə əŋ Ɗerewel tə Bizlaf mə zlap, a zla: «Kwa hedi ntaɗ mə ɗal kəzəɗ səntaŋ seh halla, kwa ntaɗ halla. Kwa hedi mə səŋ məsəkəŋ seh halla, hedi mə pələk Bizlaf seh halla. Tata fuk i kəzləŋgəɗ kataf səntaŋ za, tata fuk a lay ta, i kəkuɗəp za. Kwa hedi mə ɗal məsəkəŋ səntaŋ seh halla. Kwa ntaɗ halla.

Nakwa iyi wulək seh mənaŋ wa, Bizlaf a kəɗiy hedi əŋ hedi sə delele seh, kəɗi əŋ kuw ma, ama kəɗi a mbiŋ mə waŋgaŋ talaŋ əŋ ma majaw səku.

Məndiwiŋ ta seh, mənaŋ mba səku! Sey nakwa iyi səŋ lawlaw Bizlaf seh, ar hedi mə zlap zlap məndiwiŋ, hedi iyi fuk, ar hedi mə bərəsl ma iyi, mənaŋ ma mawuzlel tə əŋ Ɗerewel tə Bizlaf mə zlap, a zla: «I nda i səŋgah əŋ hedi sə delele seh, kəɗi əŋ zlap təkwa iyi, hwa nda i mbaɗ əŋ bay gula seh, əŋgah hedi kədeɓeh za ley mbəzlah ma a talaŋ.»