Popular Bible Verses from Rawma iyi 2

Share

Ayaw, hwa seh, hwa wulək seh hwa reh za a mbəzl ma tə Bizlaf wa vaw? Hwa hedi mə mbəzlaŋta ma a talaŋ hedi məzəwindi iyi a məsəkəŋ iyi, hwa abə talaŋ təkwa hwa kəɗalta wa bahayim səku vaw? Bizlaf seh, ar hedi səntaŋ təday, hedi mə dak nəf sə mbeh səku, a kəsəŋ ley gəbar. Hwa kəɓas a mbiŋ vaw? Səntaŋ tə Bizlaf ta, a kəgaɗah ley buw nja təkwa seh, hwa kəsəŋ səku vaw?

Hwa seh, kwa hwa viyey, hwa kəmbəzlaŋta ma a talaŋ hedi məzəwindi iyi mənaŋ wa, hwa gula i lim kataf ley zlap a kəzəɗ təkwa madawar mba a ma tə Bizlaf seh halla ba. Məŋgəvday əŋ hwa kəmbəzlaŋta ma a talaŋ hedi məzəwindi iyi seh, hwa kəɗal məsəkəŋ mənaŋ tata, mənaŋ mba seh, hwa hedi mə mbəzl ma ta, hwa kəpek talaŋ təkwa.

məŋgəvday Bizlaf a kəmay hedi iyi i may səku.

Məŋgəvday a ɗek, a ma tə Bizlaf seh, hedi sə delele iyi, ar hedi mə səsəm ley zlim ma majaw iyi səku, ama sey hedi mə ɗal kəzəɗ tə abə ma majaw ta, i gərta za mənaŋ hedi sə delele iyi.

Bizlaf a min muwurɓay tə kwa viyey za tiɗe abə kəzəɗ ŋga iyi.

Ama a gizehe zəm nəf ŋga abə zəm nəf ŋga səndawl za a talaŋ hedi mə mba mba ŋga səku iyi, a talaŋ hedi mə waŋgaŋ talaŋ əŋ zlap məndiwiŋ səku iyi, abə a talaŋ hedi mə yak talaŋ tata iyi əŋ məsəkəŋ sə delele səku iyi.

Ama hwa ŋgəm ley zlim ma ta səku, nəf təkwa a kəkuw ley buw nja təkwa səku. Məŋgəvday a ɗek, hwa kəkamal əŋ talaŋ təkwa zəm nəf səndawl əŋ pis Bizlaf mə nda i gizehe mbəzl ma ŋga sə delele.