Popular Bible Verses from Rawma ege 4

Share

A mbe anta tewtew ca, kaw Əybərahəyma káŋga ŋkwaɓ ata ma maa Gazlavay a zlepene wese, askwaw, cemey lalam anta kévelene ɓarɓar, káhəmanza Gazlavay. Əybərahəyma kálamza aza njenjəwen, Gazlavay ca, mbəy kula ŋ la səkan aza tewtew ana maa a zlap, mbəy zlaɓa ɓarɓar.

Cemey, kéŋtereye, a ŋgaya: «Sa kálahwaw aza ŋ cen ŋseŋ hejəye vəram.» Əybərahəyma ca, ara vana ŋtakwaw a tama Gazlavay maa a lamza aza. Ara Gazlavay ma kagwarzamata hejəye aza ata lamac, ara mbe ma kala səkan ma a ŋcəne anta kéleye, askwaw, səkan anta a la.

Gazlavay a geɓza aka mamac ca, mavəday gay ŋtakwaw ege. A gwarzamaza aza ata lamac ca, ndar ŋ bawzaheje aza ŋ hejəye ma taŋtaŋ ege.

Əybərahəyma kálamza ma maa Gazlavay a zlepene, a nelem səkan wese aza, cemey, vah maa ɗala kédeŋza ŋ lem səkan zeney ca, askwaw keɗe. Əybərahəyma kálamza Gazlavay aza, mavəday anta, kála anta ŋ «cen ŋseŋ hejəye vəram,» ana maa Gazlavay a zlepene, a ŋgaya: «Uzəye mba dəmas ŋkwa ege, əy nala vəram mambaza.»

Ana ebe ŋghe ca, ɗala a nelem səkan maa Gazlavay a zlap, a navalza ca, ta ŋ lalam, ara səkan maa a valza bəse. Səkan maa a zlap, a navalza anta ca, a neveletene ŋ uzəye dəmas Əybərahəyma ege tewtew. A navalza ca, ŋ hejəye ma kewenzene ha aka ŋ ma maŋkanaŋkan gagaha səkwaw, cemey, ŋ hejəye ma lamza Gazlavay aza ege, ana Əybərahəyma yam. Əybərahəyma ca, ara vana ŋtakwaw, heje tewtew.

«Zəhay mbəy ata hejəye maa Gazlavay a pelzetene səkan ma kadak səkwaw ege maa, əy lata ege aza, maa Gazlavay kásafayza gay tata ege aza. Zəhay mbəy ata ɗala maa Bay Madakal a kaŋgaɗ gay anta ege, askwaw.»

Njəwen, kéŋtereye, a ŋgaya: «Əybərahəyma ca, kálamza Gazlavay aza, mavəday anta, Gazlavay káca aza ŋ ɗala ma taŋtaŋ.»