Popular Bible Verses from Rawma ege 5

Share

Cemey, Gazlavay, a ghwalzaheje a kaɗawaheje ca, ana ebe ŋghe. Almasəyhu kámac anta a uley ŋtakwaw, ata vah maa heje ma la gay ege ule kwagwa.

Laca ŋkwaɓ aka ata səkan anta ca, a kalaheje hawa, askwaw, mavəday Gazlavay kávalaheje laɗaw anta aza mambaza ŋ unaf ŋtakwaw ege ta ŋ Zəwet ma keweɗ maa a valaheje.

Day zeney, kaw heje kasa gef ca, heje kasasam mavəday heje kasan ca, a nacakzaheje ŋ sew gef anta. Lesew gef ca, a kaval ɓarɓar ŋ nja tuwah, lanja tuwah yam a kaval ɓarɓar ŋ ca ŋkwaɓ aka, ata səkan ma ata lemew.

Ana ebe ŋghe, heje hejəye ma taŋtaŋ ege a tama Gazlavay mavəday lalam ŋtakwaw. Na ŋgha ca, heje ŋ zəhay a mbe mavəday Bay Madakal ŋtakwaw Yesu Almasəyhu. Ara Yesu ma valaheje taf ŋ lem taŋtaŋ mala Gazlavay ta ŋ lalam. Ana ebe ŋghe, heje ŋ taŋtaŋ anta kaw vepey. Heje kasasam dakala, mavəday heje káca ŋkwaɓ aka ŋ lem ɓardakw mala Gazlavay.

Njenjəwen, ata vah maa heje kála kula ŋ reha a ha ŋtakwaw ege kwagwa, səkwaw wese ca, Almasəyhu kámac anta ata vah maa Gazlavay a caw, mavəday hejəye ma la gay ege.

Ayaw, na ŋgha ca, mbambaz mala Almasəyhu kábawzaheje aza ŋ hejəye ma taŋtaŋ ege, ana ebe ŋghe heje nereh ŋtakwaw ata laghwaɗ unaf mala Gazlavay ta ŋ mbe yam.

Ana mbe yam, hejəye vəram əy kala gay mavəday ɗala teŋguleŋ maa kéwenzene ha aka ŋ Gazlavay, askwaw. Ana mbe yam, hejəye vəram əy kábaw tata ŋ hejəye ma taŋtaŋ ege, mavəday ɗala teŋguleŋ maa a wenzene ha aka ŋ Gazlavay.

Ara ebe ŋghe tew səkwaw! Heje kasasam a tama Gazlavay, mavəday Bay Madakal ŋtakwaw Yesu Almasəyhu ma javaheje aza na ŋgha a Gazlavay.