Popular Bible Verses from Romanos 8

Share

Tairo tira marĩ Manigʉ̃cã boriwãmerã abiro sioyoriara nirã niñerõcã cʉ̃rẽ maĩrãrẽna “nonirẽ ñurẽ o ñañarẽ marĩrẽ biñerõcã tirera Manigʉ̃cã tiemenarã marĩye ñurẽ maquẽ niãtere cʉ̃cã marĩrẽ amabosare ña” ĩ masĩ.

Yʉ atiepʉare “icãta apeyenorã Manigʉ̃cã marĩrẽ maĩrẽrẽ acutamasĩheriroacu” ĩ masĩ: Cõwõãrẽnorã, catirenorã, Manigʉ̃rẽ wedecoteribasocanorã, tutuare cʉoranocã, wãtĩãnorã, marĩcʉorore birenocã, siropʉre biatenocã ĩñerõcã emʉãrõpʉ maquẽnocã, ʉ̃cʉ̃ãrõpʉ maquẽnocã tairora icãta apeye Manigʉ̃cã tiriguenocã cʉ̃cã marĩrẽ maĩrẽrẽ acutamasĩheriga. ¡Icãta ñenojorocã Manigʉ̃cã marĩrẽ marĩ Nirũpʉ̃ Jesucristomenarã cʉ̃cã maĩrẽrẽ eñoriguere acutamasĩherijomocãrõãcu!

To watoarena marĩcã apewatoa apeyenorẽ titutuahera nirã eañerõcãcãrẽ, Manigʉ̃rẽ dairiwãmenope marĩcã sãĩmasĩhera niñerõcãcãrẽ Espíritu Santora marĩrẽ titamuwĩ. Tairo tigʉ marĩrẽ marĩye niãte maquẽrẽ Manigʉ̃rẽ tãnurẽmena dairo ti wedemasĩña manirĩwãmepe marĩrẽ ñurõ sãĩbosawi.

Marĩ anorã abiro tiriguere masĩmocãcaperacãrã ¿Ñenopere apeye ĩnemomasĩbogari? Manigʉ̃cã marĩyapanepe niñerõcã ¿daigʉnope marĩrẽ ñañarõ timasĩgʉagari?

Tairo tiro marĩcʉoropere marĩ Jesucristomenarẽ ĩcãrõ nirãpere icãta ñañarõ ticõãyomocã pecamepʉ cõãyoateno mani.

Marĩya ũpʉ̃cã ñañarẽ tirere ʉgaripeare wadorena wãcũ tirugarucũrã pecamepʉ ñañarõ ticõãyoroacu; buri Espíritu Santocã dotiriwãmepe wadorena wãcũ tirugarucũrã diamacã maquẽ catirere ĩñerõcã Manigʉ̃mena yerisãrẽrẽ cʉoroacu.

Buri atiecã abiro bicapetacã marĩ “nonirẽ ñañarẽrẽ ñañarõ cametʉacaperacãrã Jesucristo marĩrẽ maĩrigʉcã titamurẽmenarã marĩ nipetire ñañarẽrẽ cametʉonʉcãmasĩpetiroacu” ĩ masĩ.

Marĩcʉoro marĩcã atibʉrecopʉ posare icãta wapamanijomocãrẽ ña siropʉ ʉmʉãwesepʉ Manigʉ̃cã marĩrẽ ñucametʉare nʉniãtemenapere ĩñañerõcã.

Cristocã marĩrẽ maĩrẽrẽ ¿daigʉnope Cristore cʉ̃jãrẽ tocãrõrã maĩpitiya ĩmasigʉagari? Icãta manigawi o manijomocãga. Ñañarõ posañerõcã tirecã o marĩrẽ wisiore warenocã o ãpẽrãcã marĩrẽ ñañarõ tirugara quetaturenocã tiere pitiñerõcã timasĩheriga. Tairora ʉaboarecã o suti cʉoherecã o cuwiore warenocã o ñañarĩwãmemena cõwõãñerõcã tirenocã icãta tiere pitiñerõcã timasĩheriga. Cristope marĩrẽ maĩrucũmocãgawi.

Merẽ Manigʉ̃ marĩye yeripũnarĩrẽ ñurõ masĩpetigʉ ninigʉ̃ Espíritu Santocã marĩrẽ sãĩbosarere ñurõ masĩwĩ. Cʉ̃ Espíritu Santora Manigʉ̃ cʉ̃cã cʉ̃yarare bosãrĩwãmepera abiro marĩrẽ tairo sãĩbosarucũmocãwĩ.

Merẽ nipetira Espíritu Santocã siosʉgueriwãme tiquetaturano Manigʉ̃ pũnarã ñawã.

Merẽ ñañarẽ tirecʉtiñerõcã tirere ʉgaripearemena nirucũrãno tie wadorena wãcũ tirugarucũwã; buri Espíritu Santocã dotiriwãmepe tirucũ nirãno cʉ̃cã tiñerõcã borenope wadore wãcũrucũ tirugarucũrã ñawã.

Merẽ Manigʉ̃ cʉ̃ macʉ̃ diamacãjoro mañurẽ icãta maĩrõ manirõ marĩ nipetiraye wapare cõwõãbosaro ĩgʉ̃ cʉ̃rẽ atibʉrecopʉre ticomocãrigʉ niwĩ. Tiejoro mañurẽ tora abiro tirigʉ nimocãnigʉ̃ ¿dairo binigʉ̃ apeye docare cʉ̃ macʉ̃menarẽ marĩrẽ nipetirere nʉnimasĩhegʉagari?

Cʉ̃ Espíritu Santora marĩrẽ marĩye yeripũnarĩpʉmenarã “mʉjã nirõrã Manigʉ̃ pũnarã nisia” ĩ masĩñerõcã yawí. Tairo tira marĩ cʉ̃pũnarã ninirã cʉ̃cã “yʉpũnarẽ nipetirere nʉnigʉ̃da” ĩriguere Cristocã tiere ñerõrã abirora marĩcã tiere ñerõãcu. Marĩ Cristoyarara ninirã cʉ̃cã atibʉrecopʉre ñañarõ cametʉariarora abiro marĩcã ñañarõ cametʉacaperacãrã cʉ̃cã nirucũrõrã abirora marĩcã cʉ̃menarã siropʉcãrẽ ñucametʉaro nirucũrõãcu.

Ñañarẽ tirere ʉgaripeare wadorena wãcũ tirugarucũrã Manigʉ̃mena came ĩñatutira pʉtʉawa; cʉ̃cã dotirere tirugaherinirã ĩñerõcã tiere timasĩhera ninirã.

Nipetire atibʉreco maquẽ Manigʉ̃cã tiyorigue ĩcãbʉreco Manigʉ̃cã marĩrẽ “ãnijãrã yʉpũna ñawã” ĩ eñoatere basocacã apeyenorẽ bʉtoro ĩñarugarora abiro yuero ya.

Marĩ anocawatoapʉcãrẽ marĩcʉ̃ nipetire atibʉreco maquẽcã bʉtoro pũniyo ñañarõ posarere masĩ; ĩcõ nomiõ cocã wĩmagʉ̃ cʉoatosʉguero bʉtoro pũniyo ñañarõ cametʉarora abiro.