Popular Bible Verses from Romanos 7

Share

Manigʉ̃ wadora ñawĩ. Tairo tigʉ yʉ ¡Manigʉ̃rẽ ñucametʉasu ĩ merẽ cʉ̃rã yʉre Jesucristomenape cametʉogʉ ñawĩ! Tairo tigʉ yʉ atiere “ya yeripũnamenapepʉare Manigʉ̃ye dotiremena ñurẽrẽ tirugarucũgʉ̃rã nimi; buri ya ũpʉ̃ ñañarẽrẽ cʉori ũpʉ̃menapere ñurẽrẽ ti apõtĩõmasĩherinigʉ̃ icãta ñañarẽrẽ tipitimasĩhegʉ ña” ĩtuwaco.

Yʉ masĩ. Yʉpʉre o ya ũpʉ̃ ñañari ũpʉ̃pʉre icãta ñurẽno mani. Ñañarẽrẽ tirugare wadora ña. Tairo binirõ yʉcã ñurẽrẽ tirugagʉ nicapetacãrã tiepe yʉre acutanirõ icãta tiere timasĩhegʉ niñerõcã ya.

Tairo tigʉ yʉ yʉcã tirugare ñurẽpere tiheri; buripe yʉcã tirugahere ñañarẽpere ticã.

Tora abiro yʉre yʉcã boherepere ticãñerõcã ticãrẽ, queorojoropʉare yʉbasurupera yʉcã ticãrẽmerã ña; buripe ñañarẽ yʉpʉre nirẽpera ña yʉre tora abiro tiñerõcã ticãrẽ.

Tairo tigʉ “õpe ñurẽrẽ tirugacapeicã ñañarẽpe wadore tigʉ eaicã” ĩ masĩgʉ̃ ea. Ya yeripũnapʉpʉare bʉtoro Manigʉ̃ye dotirere tirugagʉ nimi.

Tairo tigʉ tora abiro yʉ ñañarẽrẽ yʉcã tirugaherepere tigʉ ninigʉ̃ “Moisére dotire cũriguere ñurẽrã nirõ ya” ĩ.