Popular Bible Verses from Filipenses 3

Share

Yara yʉcã maĩrã yʉcã Jesucristora abiro nigʉ̃ eaherere yʉ ñurõ masĩ. Bicapeicã ĩcʉ̃ cʉtʉribasocʉ sirope ĩñapʉtʉocoro manirõ cʉ̃cã tutuarocãrõ boyero warora abiro yʉcã tiwãmerã Jesucristocã tiñerõcã borere tigʉ earugagʉ tisʉguewʉmʉã. Cʉtʉribasocʉcã nitʉoropʉ cʉtʉjea wapatare ñerõrã abiro yʉcã tiwãmerã tiere tora abiro nitʉoropʉ tiyapatinigʉ̃ Manigʉ̃cã Jesucristomena marĩrẽ ʉmʉãwese maquẽ wapatarere nʉnigʉacu ĩriguere ñegʉ̃ eagʉdagʉ tiere tutuaromena tairo tirucũmocã.

Anorã abiriwãmemenape yʉ bʉtoro Jesucristore ĩñamasĩwʉmʉãruga. O tairora cʉ̃menamacʉ̃ niruga cʉ̃cã cõwõãriasiro Manigʉ̃cã cʉ̃ye tutuaremena upatuti cʉ̃rẽ masõriguere tʉoiñagʉ̃dagʉ; cʉ̃cã Manigʉ̃rẽ ñurõ yʉnigʉ̃ ñañarõ posariarora abirora yʉcã Manigʉ̃cã dotirere ñurõ yʉnigʉ̃ ñañarõ posagʉdagʉ; ĩñerõcã ñañarẽ wapa tiere cametʉogʉdagʉ cʉ̃ Jesucristocã cõwõãriaro abirora ñañarẽrẽ yʉcã tocãrõrã cõwõweogʉdagʉ. Atiere tairora wañerõcã boga Manigʉ̃cã yʉre yʉcã cõwõãriasiro cõwõãriarare masõrĩbʉreco niñerõcã yʉre masõãtora abiro.

Yʉre tairo tie wapamanirẽ ña yʉcã tosʉgueropʉ Manigʉ̃rẽ peñaro ĩgʉ̃ yʉcã tirecʉtimiriguesotoa wapacʉtire nirẽpere yʉ Nirũpʉ̃ Jesucristore yʉcã ñurõ ĩñamasĩgʉ̃ eariasiro niñerõcã. Cʉ̃ Jesucristoye wapamenarã nipetire yʉcã timiriguere cõãpetimocãwʉ̃ Jesucristoyagʉ wado nigʉ̃ eagʉdagʉ. Tora abiro yʉcã Jesucristopere wedewõwʉmʉãgʉ̃ niñerõcãrã nipetire tosʉgueropʉ yʉcã timirigue yʉre cʉtara abiro nirẽ ea.

Tosʉgueropʉ yʉcã tirecʉti wedewõrigue Manigʉ̃rẽ yʉre “cʉ̃ ñugʉ̃ ñawĩ” ĩñerõcã bogʉ yʉcã tirecʉtimirigue yʉre wapapacare nimiwʉ̃. Buri maricʉoropere yʉcã Jesucristore wedewõrẽ earemenape nipetire yʉcã tosʉgueropʉ tirigue icãta wapamanirẽ nirẽ earigue ña.