Popular Bible Verses from Filipenses 4

Share

Mʉjã noborenogãmenarã wãcũpasʉtirecʉti niherimocãña. Buripe nipetire nobore mʉjãrẽ warenorẽ Manigʉ̃rẽ wede cʉ̃rẽ titamurẽ sãĩña. Mʉjã tora abiro ñubue sãĩrã acõboherara cʉ̃rẽ “mʉ ñucametʉasu” ĩ ʉseare nʉniña.

Mʉjãcã tairo tiñerõcãrã Manigʉ̃ mʉjãrẽ wisiore birenowatoare cuiro manirõ Jesucristoye yerisãrẽmena tʉoiñatutuara nirẽcʉtiñerõcã tigʉagawi. Tie cʉ̃cã mʉjãrẽ yerisãrẽmena ñurõ nirẽcʉtiñerõcã tire basocacã tʉomasĩrã eahere ña; buri tie Jesucristoyara nirãpere cʉ̃jãya yeripũnarĩrẽ ñurõ queno, nobore birenowatoare Manigʉ̃cã marĩrẽ tʉomasĩcũtiyamanirĩwãmepe wãcũ patacãrẽ manirõ, cuiro manirõ ñurõ yerisãrẽmena nirẽcʉtiñerõcã tire ña.

Yara yʉ mʉjãrẽ atiere wedetʉocogʉda. Mʉjã nipetire diamacã maquẽ nirẽrẽ, Manigʉ̃yere cuwiopesaremena ĩñarẽrẽ, diamacã maquẽ tirere, ñurẽrẽ, Manigʉ̃cã “ñurẽ ña” ĩ ĩñarẽrẽ, cʉ̃cã ĩñacorore queoro tirere, cʉ̃rẽ “mʉcã tire ñucametʉare ña” ĩ ʉseare nʉnirẽrẽ wãcũña. Atie nipetirere tiepe wadore wãcũña tiere tiradara.

Yʉ Jesucristomena yʉre tutuare nʉnigʉ̃menarã atie nipetire nonirẽ warenorẽ apõtĩõmasĩ.

Mʉjã marĩ Nirũpʉ̃mena ninirã mʉjãrẽ cʉ̃cã ñurõ tirere cʉ̃mena tairo ʉsearucũrẽmena nirucũmocãña. Mʉjãrẽ cotoarora ĩ ¡Cʉ̃mena tairo ʉsearucũmocãña!

Tairo tigʉ ya Manigʉ̃ yʉcã padedebosagʉ icãta ñeno dʉsaro manirõ mʉjãrẽ nipetirere nʉnigʉagawi mʉjãcã Jesucristoyara niñerõcã. Tairo tigʉagawi cʉ̃cã cʉorere cʉ̃ye paca ñucametʉanʉcãrẽrẽ mʉjãrẽ cʉoaro ĩgʉ̃.

Mʉjãmena nigʉ̃pʉ yʉcã mʉjãrẽ bueriarora abirora, yʉcã mʉjãrẽ wederiarora abirora, yʉcã tirere mʉjãcã ĩñariarora abirora tiere tairo tirucũmocãña. Mʉjãcã tora abiro tiñerõcã Manigʉ̃ cʉ̃ye yerisãrẽmena niñerõcã tigʉ mʉjãrẽ cʉ̃ye yerisãrẽmena nirucũñerõcã tinigʉ̃ mʉjãmena tairo nirucũmocãgʉagawi.

Nipetira basoca o ãpẽrã Jesúre wedewõrãpʉra mʉjãcã basoca ñurã nirẽrẽ, mʉjãcã ñurẽ ʉseare yeripũnarĩ cʉorere masĩãro. Mʉjã acõboherimocãña; merẽ Nirũpʉ̃cã upatuti watiato pẽrõgã dʉsa.

Apeyeno cʉohegʉra nirĩwatoanocãrẽ, paje cʉoremena nirĩwatoanocãrẽ yʉ ñurõ masĩgʉ̃pʉ nigʉ̃ ya. Tairora nonirẽ yʉre birenomenacãrẽ yʉ biripogʉpʉ nigʉ̃ ya; ʉamena nigʉ̃nocã, ñurõ yapigʉnocã o paje cʉoremenacãrẽ, cʉoherijoremenacãrẽ ʉsearemena nimasĩgʉ̃pʉ nigʉ̃ ya.

Apewatoa yʉcã borere dʉsayogʉ nicapeicã mʉjãrẽ anorã abiro ĩgʉ̃ “tie yʉre dʉsa” ĩ patacãgʉ̃merã ya. Merẽ yʉ yʉcã cʉorenomenarã ʉsearipogʉpʉ nigʉ̃ ya.