Filipenses 3

Cristore ñurõ ĩñamasĩrẽ

1Apeyere yara yʉcã maĩrã, Jesucristomena ñurõ ʉsea niña. Yʉcã tosʉgueropʉ basoca ñañarãye maquẽrẽ mʉjãrẽ ojariguere upatuti mʉjãrẽ ojacoñerõcã yʉre patocõheri. Buripe tie mʉjãrẽ õpe ĩcãdiamacãrã ñurõ wedewõwʉmʉãrã niñerõcã tiroacu basoca ñañarãcã ĩritorugañerõcã ĩ wãcũ.#4:4. 2Tairo tira cʉ̃jãno diayiware#3:2 Anorẽ judío basoca niherare diayiwa pisuriara niwã. Torena Pablo wãme wasoa cʉ̃jã judío basoca nirãrẽna conerigʉ yapa macã caserore Jesúre wedewõrãrẽ widetacõãdotiribasocarena cʉ̃jãrã diayuwa ñawã ĩ wãmebo wedegʉ yawí (Ro 2:28-29; 2Co 11:13; Ga 5:2, 15). boyoya manirãrẽ, ñañacametʉanʉcãrãrẽ ñurõ tʉomasĩña. Cʉ̃jãrã “marĩ Manigʉ̃yara ña” ĩritonirã nipetirare “conerigʉ yapa macã caserore widetacõãrõ bo catire petiherere cʉoradara” ĩribasoca ñawã. 3Marĩ doca Manigʉ̃yamacã macãrãjoro nirã ya nirõrã conerigʉ yapa macã caserore widetacõãrẽrẽ tirecʉtirara abiro. Marĩ Manigʉ̃rẽ cʉ̃ya Espíritu Santocã marĩrẽ titamurẽmena cʉ̃rẽ wedewõrã “Jesucristoyara ña” ĩ ʉsea. Tairo tiro basocacã cʉ̃jãye ũpʉ̃ sotoamaquẽ wadore tirecʉti wedewõrẽno marĩrẽ Manigʉ̃rẽ “cʉ̃jã ñurã ñawã” ĩñerõcã tiheri.#Ro 2:28-29; 4:11-12; 7:6; Ga 6:14-15; Col 2:11; Jer 4:4. 4Yʉ doca tiere yʉcã tʉoiñarĩwãmemenape “tie queorora nirẽ nirõ ya” ĩ wedemasĩbogʉra nigʉ̃ timi. Tairora ĩcʉ̃nocã “tiere queorora ña” ĩñerõcãnocãrẽ yʉ doca cʉ̃sotoaperena “tie queorora nirẽ ña” ĩnigʉ̃ wedemasĩbogʉ nigʉ̃ ya. 5Yʉ ĩcãwãmo peti apewãmorẽ itiaga penipearibʉrecomena ya conerigʉ yapa macã caserore widetacõãyorigʉ nigʉ̃ ya Manigʉ̃cã dotiriarora abirora. Israelyabumacʉ̃rã nigʉ̃ ya; Benjamínyabumacʉ̃rã nigʉ̃ ya; yʉ pacʉsʉmʉãcã hebreo basocara niriara niwã; tairo tigʉ hebreo basocʉra nigʉ̃ ya; Moisére dotire cũriguere tipeotirugagʉ fariseoyabumacʉ̃ sãrigʉ nigʉ̃ ya.#Hch 23:6; 26:4-5; Ro 11:1; 2Co 11:22. 6Yʉ atie ʉ̃sã judío basoca dotirere queoro tigʉ ninigʉ̃ Jesucristore wedewõribu macãrãrẽ ñañarõ ti sĩãrugagʉ cʉ̃jãrẽ quetatuarucũwʉ̃. Tie dotirere yʉcã ñurõ tigʉ niriasiro niñerõcã ĩcʉ̃no yʉre “tie dotirere cʉ̃ ñurõ tiheriwi” ĩmasĩbogʉno maniwĩ.#Lc 1:6; Hch 22:3; Ro 10:5; Ga 1:14. 7Tosʉgueropʉ yʉcã tirecʉti wedewõrigue Manigʉ̃rẽ yʉre “cʉ̃ ñugʉ̃ ñawĩ” ĩñerõcã bogʉ yʉcã tirecʉtimirigue yʉre wapapacare nimiwʉ̃. Buri maricʉoropere yʉcã Jesucristore wedewõrẽ earemenape nipetire yʉcã tosʉgueropʉ tirigue icãta wapamanirẽ nirẽ earigue ña.#Mt 13:44; Lc 14:33. 8Yʉre tairo tie wapamanirẽ ña yʉcã tosʉgueropʉ Manigʉ̃rẽ peñaro ĩgʉ̃ yʉcã tirecʉtimiriguesotoa wapacʉtire nirẽpere yʉ Nirũpʉ̃ Jesucristore yʉcã ñurõ ĩñamasĩgʉ̃ eariasiro niñerõcã. Cʉ̃ Jesucristoye wapamenarã nipetire yʉcã timiriguere cõãpetimocãwʉ̃ Jesucristoyagʉ wado nigʉ̃ eagʉdagʉ. Tora abiro yʉcã Jesucristopere wedewõwʉmʉãgʉ̃ niñerõcãrã nipetire tosʉgueropʉ yʉcã timirigue yʉre cʉtara abiro nirẽ ea.#Ef 4:13; 2Pe 1:3. 9Tairo ya cʉ̃ Jesucristomena ĩcãrõ nirucũmocãgʉ̃ eagʉdagʉ. Yʉ ʉ̃sã judío basocare dotirecã queoro tidotirere nipetirere queoro ticapeicã Manigʉ̃cã ĩñacorore “ñugʉ̃ ñawĩ” ĩ ĩñarẽrẽ bʉaheriwʉ. Buripe Jesucristore wedewõrẽmena wadope Manigʉ̃cã “ñurã wapa cʉohera ña” ĩrẽrẽ bʉawʉ. Tairo tigʉ Manigʉ̃ yʉre Jesucristomena ĩcãrõ cʉ̃mena niñerõcã yawí yʉcã cʉ̃rẽ wedewõre cʉore wapamena.#Ro 3:20-24; 9:30; 10:5; Ga 2:21; 3:21. 10Anorã abiriwãmemenape yʉ bʉtoro Jesucristore ĩñamasĩwʉmʉãruga. O tairora cʉ̃menamacʉ̃ niruga cʉ̃cã cõwõãriasiro Manigʉ̃cã cʉ̃ye tutuaremena upatuti cʉ̃rẽ masõriguere tʉoiñagʉ̃dagʉ; cʉ̃cã Manigʉ̃rẽ ñurõ yʉnigʉ̃ ñañarõ posariarora abirora yʉcã Manigʉ̃cã dotirere ñurõ yʉnigʉ̃ ñañarõ posagʉdagʉ; ĩñerõcã ñañarẽ wapa tiere cametʉogʉdagʉ cʉ̃ Jesucristocã cõwõãriaro abirora ñañarẽrẽ yʉcã tocãrõrã cõwõweogʉdagʉ.#Ro 6:3-5; 8:17; 2Co 4:10-14; Col 1:24; 1Pe 4:13. 11Atiere tairora wañerõcã boga Manigʉ̃cã yʉre yʉcã cõwõãriasiro cõwõãriarare masõrĩbʉreco niñerõcã yʉre masõãtora abiro.#Hch 26:6-7.

Nitʉoropʉ eare maquẽ

12Merẽ yʉ atie nipetirepʉrena tiyapatinʉcõpetisia ĩgʉ̃merã ya. Tairora yʉ ñañarẽ cʉohegʉ ñugʉ̃pʉ nigʉ̃ ya ĩgʉ̃merã ya. Buri bicapeicã Jesucristora abiro nigʉ̃ earugagʉ pʉtʉanʉcãrõ manirõ tutuaromena tisʉguewʉmʉãrucũmocã cʉ̃ tiere tigʉagawi ĩnigʉ̃ cʉ̃cã beseyosiarigʉ ninigʉ̃.#Hch 13:10; 1Co 13:11; 1Tm 6:12; 1Co 9:24-27. 13Yara yʉcã maĩrã yʉcã Jesucristora abiro nigʉ̃ eaherere yʉ ñurõ masĩ. Bicapeicã ĩcʉ̃ cʉtʉribasocʉ sirope ĩñapʉtʉocoro manirõ cʉ̃cã tutuarocãrõ boyero warora abiro yʉcã tiwãmerã Jesucristocã tiñerõcã borere tigʉ earugagʉ tisʉguewʉmʉã.#Lc 9:62; 1Co 9:24. 14Cʉtʉribasocʉcã nitʉoropʉ cʉtʉjea wapatare ñerõrã abiro yʉcã tiwãmerã tiere tora abiro nitʉoropʉ tiyapatinigʉ̃ Manigʉ̃cã Jesucristomena marĩrẽ ʉmʉãwese maquẽ wapatarere nʉnigʉacu ĩriguere ñegʉ̃ eagʉdagʉ tiere tutuaromena tairo tirucũmocã.#2Tm 1:9; Heb 6:1. 15Nipetira Jesucristore ñurõ wedewõ nimasĩwʉmʉãrãno yʉcã ĩrõrã abiro wãcũrõ bo. Atiere mʉjãcã merĩãwãmepe wãcũñerõcãno Manigʉ̃ mʉjãrẽ yʉcã ĩãriguere tairora niga ĩ tʉomasĩñerõcã tiaro.#1Co 2:6; Ga 5:10. 16Buri todocare marĩrẽ ĩcãdiamacãrã Manigʉ̃cã tiñerõcã borora abiro cʉ̃cã boriwãmepe niñerõcã borora abiro marĩcã tiwʉmʉãtiriguera abiro tirucũmocãrõ bo.#Ro 12:16; Ga 6:16.

Marĩ ʉmʉãwesemacãrãpʉ ña

17Yara yʉcã maĩrã, mʉjã nipetira yʉcã ñurẽ tirere yʉcã tirora abirora ĩñãcũ tiquetatuya. Ãpẽrãcãrẽ ʉ̃sãcã tirora abirora ñurẽ tirare tairora cʉ̃jãcã tirecãrẽ ĩñacũ tiquetatuya.#1Co 4:16; 11:1; 1Pe 5:3. 18Merẽ yʉ pajʉ cʉ̃jãcã ñañarẽ tirecʉtirere mʉjãrẽ wedesiawʉ. Cʉ̃jã cʉ̃jãcã ñañarẽ tirecʉtiremenarã marĩcã “Cristo marĩye ñañarẽ wapara marĩrẽ curusapʉ cõwõãbosarigʉ niwĩ” ĩ buerere cajiara ñawã. Atierena mʉjãrẽ yʉ tosʉgueropʉre pajeri wedesiawʉ. Tairo tigʉ tamʉ marĩcʉorocãrẽ otiremenarã cʉ̃jãye maquẽrẽna mʉjãrẽ wedeco.#Hch 20:31; Ga 6:14. 19Cʉ̃jãrã siropʉre ñañarõ tiyo ñañarõ ticoãyoropʉ biditiana ñawã. Cʉ̃jã cʉ̃jãye ũpʉ̃rĩcã ñañarẽ ʉgaripearepere tirucũrã ñawã. Tiere ñañarẽrẽ tirecʉticaperacãrã boboro manirõ “ʉ̃sã abiro tirano ña” ĩwã; buripe tiere bobosãrõno tira. Tairo tira cʉ̃jã atibʉreco maquẽ wadore wãcũ tiepe wadorena tirugarucũrã ñawã.#Ro 16:18; 2Co 11:15. 20Buri marĩpere atiditara nidoanarã abiro atibʉreco macãrãrã abiro tirucũherimocãrõ bo. Merẽ marĩcã nirucũãto ʉmʉãwesepʉ ña. Tairo tira marĩ, marĩrẽ cametʉoacʉ marĩ Nirũpʉ̃ Jesucristo ʉmʉãwesemacʉ̃rẽ upatuti atiditapʉre watiacʉre yuera ya.#1Co 1:17; Ef 2:19; Col 3:1; Tit 2:13. 21Tairo eagʉpʉra marĩya ũpʉ̃rĩ buri nirẽ ñañari ũpʉ̃rĩrẽ mama ũpʉ̃rĩ ñucametʉnʉcãrĩ ũpʉ̃rĩ cʉ̃cã cõwõãriasiro Manigʉ̃cã cʉ̃ye tutuaremena cʉ̃rẽ masõ nʉniria ũpʉ̃rã abiro nirĩ ũpʉ̃rĩ marĩrẽ cʉoñerõcã tigʉagawi. Tora abiro marĩrẽ wasoagʉagawi cʉ̃ye tutuare nipetirare, nipetirere cʉ̃cã dotimasĩrẽ cʉoremena.#1Co 15:26-27, 35-37; Ef 1:19; Col 3:4; 1Jn 3:2.

Currently Selected:

Filipenses 3: yui

Highlight

Copy