Popular Bible Verses from Juan 3

Share

”Manigʉ̃ atibʉreco macãrã nipetira basocare bʉtoro maĩnigʉ̃ cʉ̃ macʉ̃ ĩcʉ̃ nigʉ̃rẽ ticowi, nipetira cʉ̃rẽ wedewõrãnorẽ pecamepʉ waherara catire petiherepere cʉoaro ĩgʉ̃.

Manigʉ̃, nipetirare atibʉreco macãrã basocare ñañarõ ticõãgʉ̃dagʉmerã yʉre atibʉrecopʉre ticowi. Buripe nipetirare yʉmena cametʉogʉdagʉ yʉre ticowi.

Cʉ̃cã tairo ĩñerõcã tʉogʉ Jesús cʉ̃rẽ abiro ĩ yʉwi: —Mʉrẽ diamacãrã wede. Icãta ĩcʉ̃no upatuti bajuanemohegʉ icãta pẽrõgãno Manigʉ̃cã cʉ̃yarare dotiropʉre nigʉ̃ eamasĩheriwi ―ĩwĩ.

”Merẽ Manigʉ̃ Macʉ̃rẽ wedewõrãno wadora ñañarõ ticõãyoherigawa. Buri cʉ̃rẽ wedewõheranope ñañarõ ticõãyoanapʉ ñawã Manigʉ̃ Macʉ̃ ĩcʉ̃ nigʉ̃rẽ cʉ̃jãcã wedewõhere wapa.

Merẽ cʉ̃rẽ wedewõherano ñañarõ tiyoanapʉ nisiawa. Cʉ̃jã ñañarẽ wadore tirecʉtira ninirã naĩtĩãrõpʉra abiro niriara niwã. Tairo tira basocare ñurẽ maquẽ wadore tirecʉtimocã, bowerepʉra abiro niñerõcã tiacʉcã atibʉrecopʉre watiñerõcã boheriwa. Buripe boweropʉ nirã earono tira naĩtĩãrõpʉra nirãrã abiro pʉtʉamocãrugawa.

Cʉ̃ õpe yʉsotoa wapacʉtigʉ wagʉagawi. Buri yʉpe buri nigʉ̃ pʉtʉagʉacu ―ĩyugʉ Juan.

Nipetira ñañarẽrẽ tirecʉtirano bowerepʉ niñerõcã tigʉre boheriwa. Tie bowerepupeapʉ nirugaheriwa, cʉ̃jãcã ñañarẽ tirecʉtirere masĩñerõcã bohera.

Tairo tira cʉ̃ macʉ̃rẽ wedewõrãno catire petiherere cʉowa. Buri cʉ̃cã dotirere yʉquetaturugaheranope tie catire petiherere cʉoheriroagawa. Buripe Manigʉ̃ cʉ̃jãrẽ cuaremena bʉtoro ñañarõ tigʉagawi.

Moisécã yucʉ manirõpʉ ‘ãña bacoyoriarare cametʉaro’ ĩgʉ̃, ãñarẽ cõmemena tiyorigʉre yucʉgʉmena nemʉõnʉcõriarora abiro yʉ Nipetira Sõwʉ̃cã basocare curusapʉ papatu nemʉõnʉcõyogʉacu

Manigʉ̃ cʉ̃ Pacʉ ninigʉ̃rã cʉ̃ macʉ̃rẽ bʉtoro maĩnigʉ̃, nipetirere, nipetirare dotimasĩrẽrẽ nʉnirigʉ niwĩ.