Popular Bible Verses from Juan 4

Share

Manigʉ̃ bauhegʉ ñawĩ. Tairo tira cʉ̃rẽ ñubuepeorano cʉ̃jãye yeripũnarĩpʉmena diamacã wãmerã, ĩritoro manirõ Espíritu Santocã ‘abirope tiya’ ĩriwãmepe cʉ̃rẽ ñubuepeoro bo ―ĩyugʉ Jesús.

Marĩcʉorora basocacã cʉ̃jãye yeripũnarĩpʉmenarã diamacã wãmemena Manigʉ̃rẽ ñubuepeoriwatoano eariwatoa niñerõcã merẽ easia. Merẽ Manigʉ̃ tiwãmepera cʉ̃rẽ ñubuepeoranorẽ cʉ̃ya Espíritu Santocã ‘abirope tiya’ ĩriwãmerã abirope ñubuepeoñerõcã bowi.

Buri oco catire petihere cʉorere yʉcã nʉnirẽpere sĩnirãno icãta upatuti ñemesipiore cʉonemoherigawa. Tie cʉ̃jãrẽ cʉ̃jãya yeripũnapʉre waiñʉsʉ̃copepʉre oco ũmawiocorucũrõrã abiro ũmayucomocãrõãcu. Tairo tira tiemena catirucũmocãrõãgawa ―ĩyugʉ.

Cocã tairo ĩ yʉñerõcã tʉogʉ Jesús core abiro ĩyugʉ tamʉ: —Marĩcʉorore Manigʉ̃cã mʉrẽ nʉnirugarere masĩgõpʉa ĩñerõcã ‘yʉcãrẽ pẽrõ oco nʉnimocãña’ ĩ sãĩgʉ̃rẽ ‘cʉ̃rã nigawi’ ĩ masĩgõpʉa, mʉpera cʉ̃pere sãĩboatiyu. Tora abiro mʉpe cʉ̃rẽ sãĩñerõcã cʉ̃pe mʉrẽ ocore catire petihere nʉnirẽrẽ nʉniboatiyi ―ĩyugʉ Jesús.

Jesúpe ʉ̃sãrẽ abiro ĩwĩ: —Yʉre ticorigʉcã boriwãmepe yʉcã tirera, cʉ̃cã yʉre padededotiriguere yʉcã tituwanʉcõãtera ya yarera abiro nirẽ ña.

Cʉ̃cã tairo ĩñerõcã cope cʉ̃rẽ abiro ĩyugo: —Mʉ ati ʉ̃cʉ̃ãrĩcopepʉre ñenomenarẽ oco nerẽ cʉohegʉ nigʉ̃ ¿dairo ti mʉ yʉre oco catire petihere cʉorere nʉnigʉagari?

Cʉ̃cã tairo ĩñerõcã tʉogo co cʉ̃rẽ abiro ĩyugo: —Yʉ, Manigʉ̃cã beseyorigʉ cʉ̃rã Cristo wãmecʉtigʉ watiatere masĩ. Tairo tigʉ cʉ̃ eagʉpʉ marĩrẽ nipetirere wedegʉagawi ―ĩyugo. Cocã tairo ĩñerõcã Jesúpe core abiro ĩyugʉ: —Yʉra ña. Yʉ mʉmena wederucũgʉ̃rã Manigʉ̃cã beseyorigʉ ña ―ĩyugʉ.

—Mʉjãcã ĩñarã watiya. Õ ĩcʉ̃ ʉmʉ niãwĩ. Cʉ̃ yʉcã tirigue nipetirere masĩpetimocãwĩ. ¡Apewatoa tigʉ cʉ̃rã Manigʉ̃cã beseyorigʉ Cristo nigʉ̃ nigawi! ―ĩyugo.