Popular Bible Verses from 1 Corintios 4

Share

Marĩcã Manigʉ̃yara nirã eañerõcã cʉ̃ marĩrẽ cʉ̃ye tutuarere nʉniwĩ cʉ̃ye ñurẽ maquẽrẽ timasĩrã niãro ĩgʉ̃. Buri cʉ̃ye ñurẽrẽ tihericaperacãrã wederucũrẽ wadorena wederucũribasoca nirã marĩcã cʉ̃yara nirẽrẽ marĩ eñorãmerã ya.

Tairo tira mʉjã icãta ãpẽrãcã tirere ĩñabeseatibʉrecosʉguero “cʉ̃jã Manigʉ̃cã padededotiriguere queoro tiheriwa” ĩ ĩñabesesʉguerimocãña. Marĩ Nirũpʉ̃rẽ yueya. Cʉ̃rã watigʉpʉ doca nipetire basocacã masĩñamaniriguere cʉ̃jãcã wedero manirõ tʉoiñariguere baunirõpʉ nipetira basocacã tiriguere, tiheririguere masĩñerõcã tigʉagawi. Tocawatoapʉ Manigʉ̃basurupera ñurõ queoro tiriarare “ñurõ tiwʉ” ĩgʉagawi. Cʉ̃jãcã ñurõ tiriarocãrõrã cʉ̃jãrẽ ñurẽ wapatarere queoro nʉnigʉagawi.

Anonorẽna ĩcʉ̃ nirũpʉ̃ basocare cʉ̃jãcã tiatere padedere cũyoariasirore cʉ̃cã padededotigʉ cũriawãmerã abirora queoro tiñerõcã boronorã ʉ̃sãcãrẽ Jesucristore padedecoteribasoca nirãcãrẽ boro ya.

Mʉjã nipetira ʉ̃sãrẽ “Jesucristorena padedebosaribasoca ñawã” tairora “Manigʉ̃ye quetire tosʉguero macãrãpʉ masĩñamaniriguere wedecoteribasocarã ñawã” ĩ tʉoiñaña.