Popular Bible Verses from Itanguriro 1

Share

Nuko Imana iravuga iti: “Tureme abantu mw’ishusho yacu, base natwe, baheze baganze amafi yo mu mazi, inyoni zo mu kirere, ibikoko vyose vy’ibitungano, ivyo mw’ishamba hamwe n’ibikoko bigenda vyikwega hasi vyose.” Nuko Imana irema abantu mw’ishusho yayo. Mw’ishusho yayo ni ho yabaremye; ibarema ari umugabo n’umugore.

Nuko Imana irabahezagira, ivuga iti: “Nimurondoke mugwire; mwuzure isi kandi muyiganze. Muganze amafi yo mu biyaga, inyoni zo mu kirere hamwe n’ibindi biremwa vyose bigendagenda kw’isi.”

Mu ntango, Imana yaremye amajuru n’isi.

Ico gihe isi ntiyagira imero kandi nta kintu cari kuri yo. Umwijima wari utwikiriye ikidengeri c’amazi menshi kandi Mpwemu w’Imana yatambatamba hejuru y’ayo mazi.

Imana iravuga iti: “Nihabeho umuco,” maze umuco ubaho.

Maze Imana yihweza ivyo yaremye vyose, ibona ko ari vyiza cane. Nuko haza umugoroba hanyuma igitondo; uwo uba umusi wa gatandatu.

Imana ibona ko umuco ari mwiza, hanyuma iwutandukanya n’umwijima.

Maze Imana iravuga iti: “Ndabahaye ibiterwa vyose bifise imbuto hamwe n’ibiti vyama ivyamwa bifise imbuto muri vyo biri kw’isi yose. Bizobabera ivyokurya.

Imana yita umuco “umurango”, umwijima na wo iwita “ijoro”. Nuko haza umugoroba hanyuma igitondo; uwo uba umusi wa mbere.

Imana iravuga iti: “Nihabeho ikirere hagati y’amazi n’ayandi, kugira ngo gitandukanye amazi yo hejuru n’ayo kw’isi.”

Ibikoko vyose vyo kw’isi n’inyoni zose zo mu kirere, ibikoko vyose bigenda vyikwega hasi; ni ukuvuga ibifise ubuzima vyose; ndabihaye ivyatsi ngo bibibere ivyokurya.” Nuko bigenda uko nyene.

Imana iravuga iti: “Nihabeho ivyaka kw’ijuru kugira ngo bitandukanye umurango n’ijoro; maze bibe ibimenyetso bitandukanya ibihe, imisi n’imyaka.

Imana iravuga iti: “Isi nimereko ivyatsi n’ibiterwa vy’ubwoko bwose: ibiterwa bifise imbuto n’ibiti vyama ivyamwa bifise imbuto muri vyo, nk’uko amoko yavyo angana.” Nuko bigenda uko nyene.

Nuko Imana ishiraho ikirere co gutandukanya amazi yo kw’isi n’ayo hejuru.

Isi izana ibimera: ibiterwa bifise imbuto nk’uko amoko yavyo ari hamwe n’ibiti vyama ivyamwa bifise imbuto muri vyo nk’uko amoko yavyo ari. Imana ibona ko ari vyiza.

Imana irema ivyaka bibiri binini: icaka cane co kuganza umurango n’icaka bukebuke co kuganza ijoro. Yongera irema n’inyenyeri.

Imana iravuga iti: “Amazi yo musi y’ijuru niyegeranire mu kibanza kimwe, hanyuma haboneke ahantu humutse.” Nuko bigenda uko nyene. Imana yita ahantu humutse “isi”, amazi yegeraniye hamwe na yo iyita “ikiyaga”. Imana ibona ko vyose ari vyiza.

Nuko Imana irabihezagira, ivuga iti: “Nimurondoke, mugwire mwuzure amazi yo mu biyaga; inyoni na zo nizigwire zuzure isi.”

Imana iravuga iti: “Isi niyuzure ibifise ubuzima nk’uko amoko yavyo ari: ibikoko vy’ibitungwa, ibikoko vyikwega hasi n’ibikoko vyo mw’ishamba.” Nuko biba uko nyene.

Imana iravuga iti: “Ibifise ubuzima nivyuzure mu mazi, inyoni na zo niziguruke hejuru y’isi mu kirere.”

Imana irema ibikoko vyo mw’ishamba, ibikoko vy’ibitungwa n’ibikoko vyikwega hasi, vyose nk’uko amoko yavyo ari. Kandi Imana ibona ko ari vyiza.