Popular Bible Verses from Alom 8

Share

Tijhiwa kuti pavindhu vonjhe, Mnungu wachita njhito pamojhi ni wonjhe wakonda pa kwapacha vabwino, yani wajha waadatana kuchokana ni dala lake.

Pakuti nijhiwa uzene kuti palibe chindhu chikhoza kutipatula ni chikondi cha Mnungu ikhakhala nyifa kapina umoyo, kapina atumiki a akumwamba kapina mbhavu zina za kumwamba, kapina yayo yachokela saino, kapina yayo siyachokele pambuyo, kapina ulamulilo, kapina jhiko la kumwamba kapina jhiko la panjhi kupunda. Palibe choumbidwa chalichonjhe chikhoza kutiika patali ni chikondi cha Mnungu mkati mwa Kilisito Yesu mbuye wathu.

Ife tilibe mbhavu nambho Mzimu wa Amnungu utithangatila. Pakuti sitijhiwa umo ifunika kupembela, nambho Mzimu wene utipembhela kwa Mnungu kwa kubuula ukosikukambika.

Kuchokana ni yameneyo, sitikambe chiyani? Ngati Mnungu wali pamojhi ni ife, yani wakoza kutichucha?

Chipano palibe lamulo la chilango kwa anyiwajha yao muukhalo wao alunjana ni Kilisito.

Maganizo yayo yachogozedwa ni thupi yapeleka nyifa, nambho maganizo yayo yachogozedwa ni Mzimu yapeleka umoyo ni mtendele.

Nambho pa vindhu vimenevo vonjhe, tikhoza ndande tithangatilidwa ni Klisito uyo watikonda.

Niyaona mavuto ya ndhawi ino osati chindhu, ngati tikalinganicha ni ulemelelo uwo siulangizidwe kwatu mchogolo.

Niyani wakhoza kutiika patali nichikondi cha Kilisito? Bwanji ni kulaga, kapina mavuto, kapina njala, kapina kutedwa njhalu, kapina kuofyedwa kuphedwa?

Niiye Mnungu uyo wapenya mbaka mkati mwa mitima ya wandhu, wayajhiwa maganizo ya Mzimu umenewo, pakuti Mzimu umenewo wapembhela wandhu kwa Mnungu kuchatana ni umo wafunila Mnungu.

Wonjhe achogozedwa ni Mzimu wa Mnungu ni wana wa Amnungu.

Pakuti anyiwajha akhala kwa kulichata thupi, achogozedwa ni maganizo ya thupi, nambho anyiwajha akala ngati ufunila mzimu wa Mnungu, achogozedwa ni maganizo ya mzimu.

Mnungu siwadamchekeleze ata Mwana wake wa yokha, ila wadamchocha ndande ya ife wonjhe, ngati wadachita chimwecho, bwanji, siwatipacha mwawi wonjhe?

Nawo Mzimu wene ulangiza mkati mwa mitima yathu, kuti ife ni wana a Mnungu. Chipano ndande ife ni wana wa a Mnungu, sitilandile mwawi wonjhe uwo Mnungu wadaikila wandhu wake, ni sitilandile vindhu vimenevo pamojhi ni Kilisito, zenedi tikavutika pamojhi niiye, sitipate ulemelelo pamojhi ni iye

Mundhu uyo wachogozedwa ni maganizo ya thupi ni mdani wa Mnungu, siwachata thauko la Mnungu ni siwakhoza kulivela.

Pakuti voumbidwa vonjhe vilindilila kwa khumbilo, Mnungu yapo siwaajhiwiche wana wake.

Pakuti tijhiwa mbaka chipano, voumbidwa vonjhe vilila kwa kupweteka ngati kujhimasula kwa wamkazi.