Popular Bible Verses from Loma 3

tose tilochinya, atitoswikila kabuchena bwaMwali, balolulamiswa neshe jije sechipo mukumunulwa kumwo munaKristo Jesu

kululama kwaMwali kunova mukudimbwa munaJesu Kristo kuna bose banodimbwa. Nokuti akuna unsiyano

iye wakabigwa naMwali kuti, nelopa lilye ebe undipo unotambulwa nokudimbwa. Yezwi zwakabeli zwinotondejela bululami bwaMwali nokuti mubuchena bubwe wakawhila ishe muluchinyo lwokumatangisilo; kwakabeli kusimatija panoyo unshaji kuti iye emene wakakululama, akale unosimatija yoyo unodimbwa munaJesu.

Nezwo akuna unhu uchawhi wakalulama mumesho aMwali pezhulu pemishingo yomulawo, nokuti nomulawu kunozha luzibo lwoluchinyo.

Sezwo zwilokwalwa kuwhi: “Apana ulolulama, apana kana umwempela; apana unowhisisa, apana unopyanga Mwali. Bose bakapambuka, bakalundula pamwempela, apana unota bubuya, apana kana nomwempelazwe.”

Nezwo tinoti unhu unolulamiswa nokudimbwa, kuzhe kwemishingo yomulawo.

Mane! Mwali ngebe ichokomende, kojoba unhu wose enyepa sokukwalwa kwazo kuti, “Utondeje kululama kukwo mumawhi awo, akale ubhudilile pakutongwa kukwo.”