Popular Bible Verses from Loma 2

Unoyeya kuti, Iwi unhu, kana utonga bamwe banota zwakadai nawi uzwita, ungapujumuka kubutongo bwaMwali na? Kana kushunda bukulwana bweshe jije, nokutobeleja nokuba nomwoyo undefu kukwe? Autoziba kuti yeji ishe jaMwali jilokwelela kukutungamilila mukushanduka na?

Nokudalo auna inzila yokuzwilwila, Iwi nhu, kojoba ube aani paunoshungula umwe; nokuti yopo paunotonga umwe ukumuzwipa undandu iwi nokuko, nokuti iwi ntongi ukumuta zwakalezwo bo.

Nokuti Mwali aana inshalulo.

Nokuti atoba banowha Mulawo balolulama mbeli kwaMwali, koga banota zwomuMulawu, ndibo bachalulamiswa.

Iye unoolipa umwe nomwe zwinda nemishingo yiye

Koga yabo banonyenyeja, besinolemesa ichokomende, bewhilila manyepwa banotilwa bukali nokunyemelwa.

Nobukukutu bomwoyo akale nokusozwifhija ukumuzwikwilikila nokukwo bukali nezhuba lyobukali, nezhuba lyokuzwitondeja kwokutonga kwaMwali kulolulama.