Popular Bible Verses from Makətūbə̄ ń Pol ndang adə̄ Rom gə̄ ní 11

Share

Tɔdɔ̄ yá̰a̰ malang teē i rɔ̄n tə́ ō, ndin̄ i kə kūl̄neé ō, i tām̄ yān tə́ ō. Ādə̄ de gə̄ malang ɔsən̄ gɔnən ngándáńg! *Adə̄ i tītə̄ ń noō.

Yá̰a̰ kənge yā Nə́ɓā ō, kum kedə̄ yān ō, yá̰a̰ ger̄ yān ō, i yá̰á̰ kə́ to ɓōĺ ngá̰ý, adə̄ deē a asə ka̰a̰ ta tɔ̄l̄ tan alé. De kə́ asə ndō̰ gíŕ yá̰a̰ rāān ní gətóo. De kə́ asə ger̄ gō róbə yān gə̄ gətóo ō.

Tītə̄ ń makətūbə̄ yān ədań ní, ndangən̄ na: I náā n ger̄ gír̄ yā Kɔ́ɔ̄ɓē ní? I náā n a adə̄n kɔjə̄ dɔ yá̰á̰ ń a rāā tə́ ní.

Ngɔlaā nəkɔ́ ń jə-ndiī toó gá̰a̰ de gə̄ kə́ Nə́ɓā nəkɔ́ gə̄rā əya̰ ɔjəń rajə yān ndin̄ noó ō. Ba ré ɔjəń i dɔ rajə anī, i tām̄ yā kəla rāādə́ gə̄ tə́ to̰ alé. Tɔdɔ̄ ré i tām̄ yā kəla rāādə́ gə̄ tə́ anī, rajə ní i rajə to̰ alé.

Ngán *Israel gə̄ rāān̄ rɔ̄də́ i *kāgə̄ olibə kə́ ɓēé kə́ tə́gān̄ ta jīn kə́rēý gə̄ kɔ̄ɔ́ tə́. Ḭ̄ ń i *Jipə aĺ ní, ī-rāā rɔ̄í i kāgə̄ olibə kə́ bembeé, kə́ əhɔīn̄ gotədə́ tə́, adə̄ ī-ndi kə ta kūl̄ bəto ń ngəra kāgə̄ olibə kə́ ɓēé a adī ní. Loo ń noō tə́ ní, ḭ̄ i de kə́ kadə̄ ɔ́jə rɔ̄í dɔ ta jī kāgə̄ olibə gə̄ ń tə́gān̄də́ kɔ̄ɔ́ tə́ ní alé. Ā ɔ́jə rɔ̄í i ba̰ý? I ḭ̄ n i nge kətō ngə̄rā kāgə̄ olibə kə́ ɓēé ní alé, banī i ni n i nge kətōī ní.