Popular Bible Verses from Makətūbə̄ ń Pol ndang adə̄ Rom gə̄ ní 10

Share

Ré ə́da taí tə́ na Jeju i Kɔ́ɔ̄ɓē ō, ré ī-taā kem mámák kadə̄ Nə́ɓā ndólə̄n̄ dan de kə́ koy gə̄ tə́ ō anī, ā ájə.

Tɔdɔ̄ i taā kem kə́ mámák n a rāāī kadə̄ ī-tél de kə́ gōtə́ ní ō, i kəda kə́ əda taí tə́ na Jeju i Kɔ́ɔ̄ɓē ní n a ajiī ní ō.

Adə̄ yá̰á̰ ń a reē kə taā kemeé ní i najə̄ kə́ kɔjə, ba najə̄ ń ɔjən̄ ní i najə̄ yā *Kərist.

Tɔdɔ̄ makətūbə̄ əda na: Deē malang ń a taā kem Jeju ní rɔ̄n a sɔlə̄n alé. Adə̄ yá̰á̰ kə́ ɔr̄ kam̄ de gə̄ kadə̄ i *Jipə gə̄ ń toó aláa Gərek gə̄ n toó ní gətóo. Nin̄ malang ní Kɔ́ɔ̄ɓē yādə́ i kógə̄ḿ beē. De gə̄ malang ń a ɓāŕnən̄ ní ni a rāā majə sedə́ ngá̰ý. Tɔdɔ̄ deē malang ń a ənī kemən ɓārəń Kɔ́ɔ̄ɓē ní, Kɔ́ɔ̄ɓē a ajən.

Ré Nə́ɓā əla deē aĺ anī, loo kadə̄ deē a ɔjədə́ najə̄ yā Kɔ́ɔ̄ɓē i ba̰ý? Tɔdɔ̄ makətūbə̄ əda na: Ka̰a̰ ngé kəda najə̄ kə́ majə loo reē tə́ i yá̰á̰ kə́ majə ngá̰ý!

Banī ré taān̄ kemən aĺ anī, a ɓár̄nən̄ i ba̰ý? Ré oōn̄ najə̄ yā Kɔ́ɔ̄ɓē aĺ anī, a taān̄ kemən i ba̰ý? Ré deē kógə̄ḿ ɔjədə́ najə̄ yā Kɔ́ɔ̄ɓē aĺ anī, a oōn̄ najə̄ ní i ba̰ý?

Tɔdɔ̄ loo ń *ndū najə̄ a aw̄ kə de gēé kə̄ tū tə́ ní i *Kərist, yā kadə̄ deē malang ń taā kemən ní, kɔ́ɔ̄ téləń de kə́ gōtə́ ta kum Nə́ɓā tə́.