Popular Bible Verses from Balomɛ́ŋ 6

Share

Gá giagiá bisuɛ́n biánɔ biá gilɔga bíbínya nigué. Mpuán ya magɔg gɔg ya gilé ya Uhaluá ínyaá nusɔ́da nuá ságásagá uguá Yésuse Klístus Ɔgúná wasɔ.

Gá giagiá, gilɔga gídiándabianan bugaga uguánɔ guá duɔ́l, gá gueleé nudibánd uguá ihiligine hiá gigodi giá Mɔ́sɛsa gɔgaá uguá ihiligine hiá magɔg.

Gég gá giyuminye dimabiá ginyo neéneg uguég guá nigué. Gá gueleé haná Klístus úmahám uguá gibɛ́l uguá nigúmi niá Síe, disɔ́dɔn basuá súsɔ́n nusɔ́da unugɔ́sɛ.

Núdíníhínán binam biánɔ áneé bíbán haná maláŋ má bilɔga, gá guala ubúdiabá gindényé, níhínánɔ mɔ́ gɔg máala buóli gá busió buá Uhaluá. Ánaá binam biánɔ bíbá haná maláŋ má gindényé, gá gueleé nusɔ́dɔn hana numosiónd uguá búnyɛ nnyɔlɛ.

Ánaá díɔ́b buɔ́ beseé, gubá guásɔ guá nsuá gúmegué neéneg uguá nuag, ánaá dígad nuɔ́l nuá gifal gá gueleé didiandábá giɔ́lɛ giá gifal.

Banuá súsɔ́n mpónyé imoómi ánaá núbíánan hana nunyɛ ebeguén gá gilɔga gúu núsɔ́dɔnaá gá busió buá Uhaluá uguá Yésuse Klístus.

Giagɛ igiɛ́ dínya dia guɔyɛd? Búáguamba áneé dilɔbɛn uguá gifal agányɛ magɔg mábadabá giod a? Búdibá nɔ́, gá giagiá dinyɛ ebéguén gá gifal, naánanyá dínya andá dia sɔ́dɔn uguá giɛ́?

Nudiálinsan áneé ginɛŋ igiɛ́ núálanaá mɔndɔ buóli hana giɔ́lɛ nuɔ́guɔ́bɔnɛn yɔ́, nunyɛ giɔ́lɛ giá uyɔɔ́ núɔ́bɔninaá: Ugúnya ana uguá gilɔga igiídanaá agá nigué, ugúnya ana uguá giɔ́bína igiídanaá agá gindényé a?

Ánaá díéŋén Uhaluá mbíyigie, numabá giɔ́lɛ giá gilɔga gúu númabiá giɔ́bína na ɔdɛ́m huánɔ gidigid uguá bunuhɔ́nhɔ́n ubuɔ́ bámanúsúgídɛ́n. Gɔgaá, nunyɛ abaháŋánɔ gá gilɔga, nuganyɛ biɔ́lɛ biá gindényé.