Popular Bible Verses from Balomɛ́ŋ 5

Share

Ndé gɔg haná Uhaluá údíyenyeé ginɔ́nɛ́n giég igiɛ́ ugódionu naánasɔ, dimabá dimanyɛ bɔlɔga, Klístus uwesigué gásɔ gá busió.

Nubídágídɛ́n nudiɔnɔ́nɔŋɔnɛn, núdiésémenyinye gá giagiá Uhaluá umesegídínyé ginɔ́nɛ́n giég uguásɔ guá idɛ́m uguá Gileénde giá Budányɛ igiɛ́ úmádihuá.

Diábíand gubígide gisas gá meyú másɔ, muɛ́d diálinsan áneé meyú móguólon na nsuálál, súsɔn nsuálál yoólon na bugilád ubúganyaá ubúɔ́bídɔ́n, bugilád ubúɔ́bídɔ́n búólon na nubídágídɛ́n.

Agányɛ gɔg, guágɔdɛ́m guásɔ gúédiéyenye bugindényé ubuɔ́ dínya uguá bumbénu na Uhaluá uguá Yésuse Klístus Ɔgúna wasɔ, uguá Yésuse Klístus waáguɔ́ naá uguá guágɔdɛ́m dímabiá giásɛ giá guɛ́d gá dáŋáab magɔg ɔmɔɔ́ dínya abagúnán guɔ́, diond dibígide gisas na nubídágídɛ́n nuá nigúmi niá Uhaluá.

Ɛɛ́ɛ, dimabá dimanyɛ kanda bugaga, ginɔ́g giá ginɛŋ giá nigué niá Klístus igíésieg, uwegué gá busió buá bɔlɔga.

Haná gɔg dínya bindényé dabdab uguég guá manɔ́ŋ, giagɛ gɔg igíánálanɔ́ áneé Uhaluá, udidídúgún gég gá ilúnd uguá Yésuse Klístus?

Haná búnya áneé giod giá bandɔ gímayan bafal gá busió buá mɔndɔ omoómi umáal idú, buand búmomi súsɔ́n gá busió buá mɔndɔ umaábiá giɔ́bína, giod giá bandɔ gíónónd gindényé agá busió buá Uhaluá.

Diándabalaga giod gudɔ́mb agá busió buá Uhaluá, dabdab diábalaga gá busió buá Ɔgúná wasɔ Yésuse Klístus uyɔɔ́ diabiá nsémbie na Uhaluá.