Popular Bible Verses from JOJUE 6

Share

Anī Kɔ́ɔ̄ɓē əda Jojue na: Á̰a̰ā̰, m-ə́la ɓē kə́ Jeriko kem jīí tə́, kə mban̄g kə́ kemeé ō, go̰ rɔ̄ɔ̄ gə̄ kə́ kemeé ō.

Loo ń ré a kɔ̄rə́n̄ tōw̄ kə́ dan ngāl̄ adə̄ ōōī kōō anī, gír de gə̄ malang a əgan̄ kɔŕ əda ō, ndogə̄ mbal̄ ń gīr̄ gidə ɓē ní a tetə nang tə́ ō. Loo ń nuū tə́ ngán Israel gə̄ malang a udən̄ kem ɓēé, náā nəkɔ́ anī kumən i súmūú non tə́.

Ba ḭ̄ ō, ngé rɔ̄ɔ̄ yāí gə̄ ō, ā ī-njə̄rā ā ī-gīrī gidə ɓē nja kógə̄ḿ kə dɔ ndɔ̄ gə̄ bátə́ ndɔ̄ mehḛ́.

Ngé tun̄ yá̰a̰ gə̄ sīrí a njə̄ran̄ kété no sandúkə madə̄ naā tə́ kə tōw̄ gajə batāá jīdə́ gə̄ tə́ kógə̄ḿ kógə̄ḿ. Kə ndɔ̄ kə́ nge ko̰ sīrí anī, ā ī-njə̄rāī yā gīr̄ gidə ɓē nja sīrí ō, ngé tun̄ yá̰a̰ gə̄ a kɔ̄rə́n̄ tōw̄ ō.

Ta róbə́ kə́ yā kudəń kə̄ kem ɓē kə́ Jeriko tə́ i kə́ kutə̄ kɔ̄ɔ́ míŕ míŕ, najə̄ yā ngán Israel gə̄ tə́ De kə́ ndágá asə kudə kem ɓēé aĺ ō, de kə́ kem ɓēé asə teē ndágá aĺ ō.

Nja kə́ nge ko̰ sīrí ní, ngé tun̄ yá̰a̰ gə̄ a rāān̄ yā kɔ̄ŕ tōw̄ anī, Jojue əda gír de gə̄ na: Ī-túrī kɔĺ, tɔdɔ̄ Kɔ́ɔ̄ɓē adə̄sí ɓē ń toō.

Ɓē ní kə yá̰a̰ malang kə́ kemeé i kə́ bāā dɔ tām̄ yā Kɔ́ɔ̄ɓē tə́ Ba i Rahab ń i dəyá̰ ájə́ba ní ngóy n ā ə́ya̰in̄ kadə̄ ndi kə kumuú ō, de gə̄ malang ń a ndin̄ kújú gon tə́ ní ō, tɔdɔ̄ ni ɓɔ̄ɔ̄ ngé kum̄ loo gə̄ ń j-əlaīdə́ ní.