Popular Bible Verses from HEBƏRO 6

Share

Kəndā ń j-əndāī kemjí dɔ Nə́ɓā tə́ ní, əhɔ ndíĺjí gotə kógə̄ḿ tītə̄ gində̄ kə́ ta ngɔr ngo̰ ń əhɔn̄neé to bo gotə kógə̄ḿ ní. Kəndā kem dɔ tə́ ngeé ń toō ní ra ngan̄g ngá̰ý ō, əndā kūbə̄ ń gāngə̄n̄neé kem kújə yā Kɔ́ɔ̄ɓē kə́ dɔ rā̰ tə́ ní gān̄g, ba aw̄ bátə́ ugə̄ kem loo kə́ táĺ ngá̰ý tə́ ō

Tɔdɔ̄ Nə́ɓā i kə́ gōtə́ aĺ alé. Dɔn a ndígə̄nal kəla gə̄ ń ī-rāāī ní aĺ ō, táŕ kə́ tām̄ yān tə́ ń ɔ́jiī kə̄ ndágá ní aĺ ō. Sḭḭ̄ ɔ́jiī táŕ ní kə̄ ndágá, i kə ta kūl̄ rāā kəlaá kadə̄ de gə̄ yān gə̄. Kəla ní ī-rāāī kété ō, ā ī-rāāī ngɔlaā ɓáý ō.

Adə̄ yá̰á̰ kə́ loo tūr̄də́ gətóo gə̄, kə́ Nə́ɓā asə sor̄ tū tə́ aĺ gə̄ gír i jōó. Loo ń noō tə́ ní, jḭḭ̄ ń j-əngeī loo ɓɔ̄ɔ̄ rɔ̄ yājí i kemən tə́ ní, əlan̄ go̰ kemjí tə́ kadə̄ j-əhɔīń kəndā kem dɔ tə́ sásáp kadə̄ ngan̄g, kəndā kem dɔ tə́ ń əndān̄ nojí tə́ kadə̄ jə-gə̄rāī ní.

I beé ní, ādə̄ j-əya̰ī yá̰á̰ ndóō kə́ ta kəla gíŕ tə́ gə̄ kə́ dɔ Kərist tə́, ba jə-mānī kə̄ tū yá̰á̰ ndóō yā de kə́ tɔ́gə gə̄ tə́. Jə-lōōī tél reē gogə́ dɔ yá̰a̰ gə̄ ń rāān̄ rɔ̄də́ i gír gisə yá̰á̰ ndóō ngeé ń toō tə́ ní. Yá̰a̰ gə̄ ní i: Tūr̄ gidə kɔ̄ɔ́ ta kəla kə́ ndāńg karī gə̄ tə́ ō, kə́ dɔ taā kem Nə́ɓā tə́ ō