Popular Bible Verses from HEBƏRO 5

Share

Ba yá̰a̰ kəsa kə́ ngan̄g i tām̄ yā de kə́ tɔ́gə gə̄ tə́. Kemdə́ nin̄-ger̄ kɔr̄ kam̄ yá̰á̰ kə́ majə naā tə́ kə yá̰á̰ kə́ majaĺ, tɔdɔ̄ nin̄-rāān̄ yá̰á̰ ń noō adə̄ gerə̄n̄.

Dan i ngá̰ý kɔ̄ɔ́ adə̄ majə kadə̄ sḭḭ̄ i ngé ndóō de gə̄ yá̰a̰ tā, banī ī-sāāī kadə̄ téĺ ndóōn̄sí yá̰á̰ ndóō kə́ ta kəga dɔ gə̄ kə́ tū najə̄ yā Nə́ɓā ɓáý to̰. Āwī bátə́ ī-sāāī mba yā ka̰ȳ, ba i yá̰á̰ kəsa kə́ ngan̄g yā kəsa alé. Deē ń a a̰ȳ i mba ɓáý ní, ni i ngōn̄ ɓáý. Adə̄ yá̰á̰ ń i yá̰á̰ kə́ gōtə́, aláa i yá̰á̰ kə́ gōtə́ aĺ ní, ni-asə ger̄ loon alé.

Ni i Ngōn̄ Nə́ɓā ɓá tā, banī ndóō koō ta Bɔbə̄n i kə ta kūl̄ yá̰á̰ kə́ tōr̄ gə̄ malang ń rāān ní. Dan ń Nə́ɓā rāān adə̄ tél de kə́ majə ɔtə̄ kə taá oy anī, ngé gə̄ malang ń oōn̄ tan ní əngen̄ kajə kə́ ngándáńg kə ta kūl̄neé.

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.