Popular Bible Verses from NDŪ NAJƏ̄ 11

Share

Ā ī-ndóōī ngáńsí gə̄. Ré ā ī-ndiī ta kújə yāsí tə́, aké ā ī-njə̄rāī dɔ róbə́ tə́, aké ā ī-toī nang tə́, aké ā ḭ́ḭī dɔɔ́ anī, ā ɔ̄rī najə̄n sedə́.

Najə̄ gə̄ ń m-ɔ̄r̄ sesí toō, ā ī-ngɔ̄mīdə́ kemsí tə́. Ā ī-do̰ō̰īdə́ jīsí tə́ ō, nɔtə nosí tə́ ō, yā kadə̄ dɔsí ndígə̄nal alé.

Ré yá̰a̰ gə̄ ń ɓōólaā m-ə̄ndā dɔsí tə́ kadə̄ ī-rāāī ní ī-rāāīdə́ rɔ̄kum, adə̄ ī-táriī Kɔ́ɔ̄ɓē Nə́ɓā yāsí ō, ī-rāāī kəla ādə̄niī kə ngarā̰ kemsí gēé malang ō, kə rɔ̄sí malang ō anī, m-ā m̄-rāā kadə̄ man̄ edə dɔ nang yāsí tə́ kə dɔ nāāneé: M-ā m̄-rāā kadə̄ man̄ ta ɓar ō, man̄ ta ɓāl̄ ō, edən̄ dɔ nang yāsí tə́ kadə̄ ə́ngeīneé kōō gémē ō, kasə nduú ō, yibə̄ ō.

Ī-táriī Kɔ́ɔ̄ɓē Nə́ɓā yāsí, úniī gō ndū najə̄ yān gə̄ ō, yá̰a̰ kāgə̄ ɓē yān gə̄ ō, yá̰a̰ gə̄ ń əndā dɔsí tə́ kadə̄ ī-rāāī ní ō, kə dɔ ndɔ̄ gə̄.

Á̰a̰ī m-ə̄ndā tɔ́r̄ ta ō, ndɔ̄ĺ ō, nosí tə́ kadə̄ ī-gə̄rāī ɓōólaā: Ré ī-rāāī yá̰a̰ gə̄ ń Kɔ́ɔ̄ɓē Nə́ɓā yāsí əndā dɔsí tə́ kadə̄ ī-rāāī á m-ə́dásí ɓōólaā ní anī, tɔ́r̄ ta i dɔsí tə́. Ba ré ī-rāāī aĺ ō, ī-tūrī gidəsí kɔ̄ɔ́ ta róbə́ ń m-ɔ́jə́sí ɓōólaā tə́ ní, ba āw̄ ī-ndɔ̄yī ɓesə̄ gə̄ ń i nə́ɓā gə̄ kə́ ī-gerīdə́ aĺ ní ō anī, ndɔ̄ĺ i dɔsí tə́.

Ā ī-ndangiīdə́ tū kāgə̄ ta róbə́ kújə yāsí gə̄ tə́ ō, tū ta róbə ndogə̄ mbal̄ kə́ yā kudəń kə̄ kem ɓē yāsí gə̄ tə́ ō. Ré ī-rāāī beé anī, sḭḭ̄ ō, ngáńsí gə̄ ō, ngán kaasí gə̄ ō, ā ī-ndiī ta kaw̄ jóo dɔ nang ń Kɔ́ɔ̄ɓē ənī ndūn adə̄ kaasí gə̄ yā kadə̄də́ tə́ ní, kə ndɔ̄ gə̄ malang ń dɔ rā̰ a rań dɔɔ́ dɔ dɔ nang tə́ ní.

Ī-lōōī kadə̄ deē gól̄sí kadə̄ ī-tɔ̄ɔ̄ī róbə ō, kadə̄ ī-rāāī kəla ādī ɓesə̄ gə̄ ō, kadə̄ ɔ́siī nosí nang tə́ nodə́ tə́ ō.