Popular Bible Verses from NDŪ NAJƏ̄ 10

Share

Ngán Israel gə̄, yá̰á̰ ń Kɔ́ɔ̄ɓē Nə́ɓā yāsí ndi a ngóō ta kadə̄ ī-rāāī ngɔlaā ní i rí? Ni a ngóō i kadə̄ ī-ɓōlíī ndílən ba úniī gō róbə yān gə̄ ō, ī-tárniī ō, ī-rāāī kəla yān kə ngarā̰ kemsí malang ō, kə rɔ̄sí malang ō. Ni a ngóō i kadə̄ ī-rāāī yá̰á̰ ń ni ədasí kadə̄ ī-rāāī ní ō, ī-ngɔ̄mī ndū najə̄ yān gə̄ ń m-ādə̄sí ɓōólaā tām̄ yā rɔ̄nel̄ yāsí tə́ ní ō.

Tɔdɔ̄ i Kɔ́ɔ̄ɓē Nə́ɓā yāsí n i Nə́ɓā yā nə́ɓā gə̄ ō, Kɔ́ɔ̄ɓē yā kɔ́ɔ̄ ɓē gə̄ ō ní. Ni i Nə́ɓā kə́ bo ō, tɔ́gən i ngá̰ý ō, to ɓōĺ ngá̰ý ō, a sāā ger̄ ta kum deē tá yā rāań majə seneé aĺ ō, ni i nge mbātə́ yá̰á̰ kə́ kəla nang tə́ kadə̄ deē kadə̄ rāań yá̰a̰ ō.

Ā ə́ja i mɔtə kə́ dan wur tə́ ō, ī-lōōī rāā dɔ ngan̄g ō.

Ni i nge rɔ̄ɔ̄ dɔ ngōn̄ hal tə́ ō, dɔ dəyá̰ kə́ ngaa koy tə́ ō, ni i nge tár nge nam̄ kə yá̰a̰ kəsaá ō, kə kūbūú ō.

I ni n ā ī-ɓōkə́niī tɔ̄ȳ ní ō, i nəkɔ́ ngóy n i Nə́ɓā yāsí ń rāā yá̰á̰ kə́ majə ngá̰ý gə̄ ō, kə́ to ɓōĺ ngá̰ý gə̄ ō, tām̄ yāsí tə́ á á̰a̰ī kə kumsí ní.

I Kɔ́ɔ̄ɓē Nə́ɓā yāsí n ā ī-ɓōlíī ndílən ō, ā ī-rāāī kəla yān ō, ā ə́hɔī gōn ō, ā ə̄nīī ndūsí i kə rīneé ō ní.

Rɔ̄kum, dɔ rā̰ ō, loo kə́ kḭḭ dɔ rā̰ tə́ ta kaw̄ kə̄ dɔɔ́ ō, i yā Kɔ́ɔ̄ɓē Nə́ɓā yāsí. Tá dɔ nang kə yá̰a̰ malang kə́ tū tə́ i yān ō.

Adə̄ ī-táriī ngé nam̄ gə̄ ń ndin̄ dɔ dáńsí tə́ ní ō, tām̄ dan ń ī-ndiī dɔ nang kə́ Ejiptə tə́ ní, sḭḭ̄ i ngé nam̄ gə̄.