Popular Bible Verses from Oroma 3

Share

moo enzu lɛɛbi o ngbomo akwɛyi o ndama mbaa isama iyi Ukpo. Tetete kwuwongu rɛshi ingyi esheshi iyi Ukpo, enzu lɛɛbi o fya ototo ma mbaa wu mu Okrasi Ɔzhizɔsi uwu bɔkɔ a wa mba ma awu.

Ukpo ee shi enzu oo yi ototo kwuwongu ikwu idu lu fulo mbo mu Ɔzhizɔsi Okrasi. Ukpo e wo ɛlɛ laa enzu lɛɛbi umba bɔkɔ ɔ mbwalu Okrasi, kwuwongu ikikɔ i yi mo ndii

Ukpo a ra Ɔzhizɔsi e shi, kaa mu ɛnzhi ifumo wu, lakwu ɔgwuzɛ uwu bɔkɔ enzu umba bɔkɔ o kwu idu lu fulo ma wu, o to mbo ingbomo mbo mo. Ukpo e wo ɛlɛ kaa la zɔ ototo wu, moo mekyi e yidu akwɛyi a lafya la ingbomo iyi enzu iyekyi, mu kwuye kwɔlɛ ba a lafya la ingbomo mbo fo kaa la zɔ ototo wu. Mu iwomo ɛlɛ, Ukpo a zɔ tee u wu mafyi wu akwu ototo, onzu uwu e kwu idu lu fulo mu Ɔzhizɔsi, ee shi wu akwu onzu ototo midu iyi Ukpo.

Moo onzu e yi ototo midu iyi Ukpo kwuwongu ɛrama imbwaluma mo; kiya ingyi ɛrama bɔkɔ ii wo gba i yi tee, i zɔ enzu ingbomo mbo.

Kyamate bɔkɔ kwokpo ungwu Ukpo kwu so tee: <<Onzu ototo ukpɛnyi te e yi mo, onzu ukpɛnyi u yitu iyeshi mbala iyira, naa u lɛ Ukpo e yi mo. Enzu lɛɛbi o kwu Ukpo ɔsu; kpɛkpɛmba akwu enzu umbu mbwa; u wo iyeshi e yi mo, ukpɛnyi te e yi mo.>>

Moo ki nyama tee onzu aa fya ototo ma mbaa Ukpo mu ɔgwuzɛ uwu ikwu idu lu fulo mu Ɔzhizɔsi kɛɛkyi, moo akwu mu ɛrama imbwaluma mo.

I yi tayi mo ndii! Onzu uwunawuna akwu u mu angba, tetete Ukpo ba akwu ongbulolo. Kyamate bɔkɔ kwokpo ungwu Ukpo kwu so te, <<Gba ŋɔ siso, enzu lo ma te ŋɔ so ongbulolo; akwɛyi ombu ŋɔ u wɔmakwuyengwu enzu ɔ vu undu ŋɔ.>>