Popular Bible Verses from Ɔzhɔnu 14

Share

<<Oloto gba mi lu wu yi afyima le; oloto uwami gba mi shi yi le. Oloto uwu bɔkɔ mi shi yi akwu mate bɔkɔ kwudu kwɔlɛ kwuu shi le mo. La lu shi egbo yi li fomo mo ba la lu riyi mo.

Ɔzhizɔsi ba a gba wu opwu tee, <<Imi gba mi kwu ɔgwuzɛ, mbala ongbulolo mbala kwunyɔ le. Onzu uwu e domo te e re mbaa Ada e yi mo, gba a zɛ mbaa mi mo.

Ɔzhizɔsi a za mba tee <<la lu shi egbo yi mɛzhi. La lu kwu idu lu fulo mu Ukpo; la lu kwu idu lu fulo mami tete.

Ada ba a lɔ U mbwama, Kwundu Ɔkɛrikɛri, mu ɛnyi mi aa ka yi, ka la zɔ yi apula lɛɛbi iyi i fa te la lu yitu yi, akwɛyi e lolo yi apula lɛɛbi iyi bɔkɔ mi zɔ yi.

Onzu uwu bɔkɔ a na iso mi ba a mbwalu yi, onzu awu gba a gyi mi le. Onzu uwu bɔkɔ a gyi mi, Ada mi a gyi wu; Imi tete mi gyi wu akwɛyi mii shi te e yi mi.>>

Akwɛyi mii nda Adami Ukpo kwoya, akwɛyi ee shi yi U mbwama uwufo uwu bɔkɔ ee yi mbala yi iyɔkpɔɔ. U mbwama ele gba akwu Kwundu u zɔ enzu ongbulolo le. Enzu umba kwudu kwɔlɛ o na wu mo, kwuwongu umba o zɔngɔma wu ma mo ba o yitu wu mo. Lunyi ba lu yi wu kwuwongu e yi mbala yi ba e yi mɛmi yi.

Imi ba mii wo iyinayina iyi bɔkɔ lu nda mu ɛnyi mi, kaa Umɛ le shi Ada la fya inzumbɛku ma. Gba lu nda kiya ingyinangyina mu ɛnyi mi, Imi mii wo yi ngyi.

Gba lu gyi mi, lu mbwalu kaza mi.

Mu kwogba ungwu Ada mi igwu iyi iŋɔma i yi gyɔɔ; la akwu tayi mo, de ba la mi bi so yi te mo, mi rimo kaa la mi nɔngɔ riyi ma ka mi she yi.

Gba mi mbwa riyi inɔngɔma shi yi, akwɛyi mii gbama mi kwu yi ma mi reye munyi mi, akwɛyi lu yi mbala mi iyɔkpɔɔ .

Otoma a za wu tee, <<Ɔkwu, kinzu ki yitu mba bɔkɔ ŋɔ sheyimo mo, ki wo la ba ki yi ɔgwuzɛ ɔwu?>>