Popular Bible Verses from Apocalipsis 9

Share

Qaláxasa jen'me qapiỹáñi siỹaxadipi 'me sa 'te da' ỹileema jesaa'me nalaatagueco, taqadíta sa 'te da' ỹaxadíñi naua' sa n'oi'n 'me ỹ'étet'ape. Qataxa sa 'te da' ỹaxañi da' netameetapecot na' sa di'ỹoq nataqtáqaicpi, qataxa na' niqui'ipi 'me chiỹaqaỹi qoỹin jan' oro, plata, bronce, qa', 'uootaxa jen' 'ipaq 'me sa 'te da' dec'atenaxan, 'uootaxa demachíỹaac, 'uootaxa ỹiuo. Nataq'en sa 'te da' ỹaxañi da' dalaataxan, qataxa da' ledánaxanaxac, qataxa da' nequeséeguetaxa, qataxa da' lecacháxac.

Qana'chi jaso' nemála' chiỹaqáaue jaso' qosiiquioxoi, qana'chi huaỹolégue jen' 'aléua. Qana'chi jaso' qosiiquioxoi qoỹanem da' ledónataxanaxac 'me 'ená'am da' l'añaxac na' noxopic 'me huetalégue jen' 'aléua. Qana'chi qoỹamaxalégue jaso'me da' sa 'te da' 'uo ga' n'áxat na' 'auaqapi 'me huetalégue jen' 'aléua qataxa jan' 'ipaq, 'uootaxa gamachaqaiga dadála, na'chínata jen'me siỹaxadipi 'me sa 'te nétaỹi na' latap jaga' l'anaxanaqte ñi' Dios.

So' namaxasec laqáỹa piỹem lé'ec, ca'li ỹasiidíỹi jaso' laseede, qana'chi selá'a jaso' huaqchiñi 'me chiỹoqo'ot joca'li na' piỹem da' talégue jen' 'aléua. Qana'chi jaso'me qoỹanem jaso' ló'o so' nasom jega'me lapónaqa' na' napa'lpi.

Qaláxasa sa 'te da' qoỹasenem da' ỹátaqta ỹalaat, na'chidáta da' 'chi ỹa'uo da' laỹaliaxa, ỹivídaxatreegue gaua' cinco 'auóxoiqa. Dójo' naỹaliaxa 'ená'am da' laỹaliaxa ga' siỹaxaua da' 'uootaxa ỹíto ga' noxopic.

Jaso'me qosiiquioxoi na'chi lasoxola' jeso'me ỹilotalégue ga' lapónaqa' na' napa'lpi. Jeso'me nasoxola', jeso'me lenaxat Abadón jen'me l'aqtac na' hebreo lé'ecpi. Jega'me griego lé'ecpi, qaa'le 'enapéga Apolión. Jeda'me náỹi da' laataxanaxaic.