Popular Bible Verses from Santiago 2

Share

Naqaida da' 'éeta da' lip'iỹáxac ga' siỹaxaua. Da' qaỹa ga' ỹiỹamqáchiiñi l'onataxanaxac, qana'chi sega'me ỹileu da' lip'iỹáxac.

Chan'eesa ga' nip'iỹáxac, da' qaỹa ga' ỹiỹamqáchiiñi l'onataxanaxac, sega'me ỹileu. 'Ená'am da' qadó'oquiaxac, da' qaỹa jeso'me cápegue' lepaqal, qana'chi ỹileu.

'Ami ỹaqai'ỹolqa, ¿jái'chogamaxa náỹi da' 'uo ga' 'éetapega da' 'uo da' lip'iỹáxac, da' 'uootaxa sa ỹí'et ga' ỹiỹamqáchiiñi? ¿Séetapega ỹaqanatet da' nec'alaxatéegue dójo' lip'iỹáxac?

'Am nalóta'uo da' 'adip'iỹáxac da' 'au'amaqten da' 'oonolec ñi' qan'étoqo't. Qana'chi jeda'me ỹátaqta ỹiỹamqáchiiñi. Qaláxasa nataq'en ỹ'amaqten dójo' jen' lamaxa'spi so' paiỹac qadó'o. Chan'eesa ỹátaqta ỹiviloxolaqtet da' loqolánaxa.

Qaláxasa da' 'uo ga' 'enaac da' l'aqtac: “'Am 'uo da' 'adip'iỹáxac, jaỹim, qaamaxa 'uo da' ỹiỹamqáchiiñi ỹ'onataxanaxac.” Qaláxasa jaỹim senaac: “Ỹa jaỹim 'aualoxóna da' 'adip'iỹáxac 'andoqchíichiiñi, sa 'aualecteneuo ga' ỹiỹamqáchiiñi 'ad'onataxanaxac. Ỹim, qana'chi jaỹim 'am saloxóna da' ỹiỹamqáchiiñi l'onataxanaxac da' ỹip'iỹáxac.”

Qá'a ga' sa ỹichoxoden ga' laqáỹa, qana'chi qoỹadénaxatet'egue qomle qonimit. Sa qoỹichoxodenalégue. Chan'eesa ga' 'uo da' lichoxodénataxanaxac, ỹátaqta qaỹa 'te 'uo qomle qonimiténa.

'Ami ỹa 'auc'achiñii ñi' Dios da' ỹiỹamaxaden ga' siỹaxaua ỹasouaxat ga' ỹiỹamqáchiiñi l'onataxanaxac, sa na'chidáta da' lip'iỹáxac.

Ỹa 'auc'ateno' dójo' 'éet'ec so' Abraham, da'me di'ỹoq qa'en da' 'uo da' lip'iỹáxac ỹasouaxat dójo' ỹí'et. Qana'chi dójo' lip'iỹáxac ỹivíd'a da' ỹátaqta nalóchiiñi ỹasouaxat da' ỹiỹamqáchiiñi l'onataxanaxac.