Popular Bible Verses from Santiago 3

Share

Qaláxasa ga' huet'oto' da' naỹátenataxanaxac 'me chiỹoqo'ot ñi' Dios, jega'me 'uáiñi da' huesóta da' l'óiỹaxac. Ỹim, qataxa 'uo da' neuálaxainaxac, sóxodaic, naquiaxanguet ga' laqáỹa, choxodénataxanaxaic, qataxa ỹí'et ga' ỹiỹamqáchiiñi. Jega'me qaỹa 'te ỹoxotétapiiñi. Na'chidáta da' huesóta.

Da' 'uo ga' 'oonolec da' 'oñíita ỹátaqta ỹátenataxanaxaic qataxa 'uo jen' ỹaỹáten, ỹa ỹaloxon ga' ỹiỹamqáchiiñi n'onataguec qataxa da' huesóta lasoxoc 'me ỹachiỹoxotáaue da' laỹátenataxanaxac.

Qataxa jen' nepogoxóitapegue' da' n'emáxac, jen'me naqáina ỹáatapiiñi dójo' n'emáxac, qaidi jen' siỹaxadipi ỹátaqta huesóta da' l'óiỹaxac.

Qá'a jega'me huet'ague ga' 'uo da' liquiỹáxa qataxa 'uo ga' 'chi naquitétaaque, qana'chi huéta'ña da' qaỹa ga' n'emáxac qataxa ỹima jen' sa nó'inpi.

Jiñi'me taiỹet da' si'ỹoxodénaq ñi' qadet'a Dios qataxa da' sesouenaq ga' siỹaxaua 'me l'onatac ñi' Dios da' 'ená'am qa'en da' mai'chi lasoxoc. Jen'me qandégaxat chiỹoqótapegooue da' qadi'ỹoxodénataxanaxac qataxa da' qadesouenaxanaxac. 'Ami ỹaqai'ỹolqa, sa nó'in qomle da' naq'áita dójo'.

Qá'a ñi' qadacháxat 'ená'am ga' dóle'. Jiñi'me ỹimata'a't ỹima jen' sa nó'inpi. Nétaaue da' qadó'oquiaxac qataxa ỹisepaxanaqtet. Jiñi'me na'chi 'eeta't da' ỹavíỹaxatetac da' qadeuoxoc. Qaláxasa jeda'me l'edáxa ỹachiỹoxotétapiỹi ga' dóle' 'me qaỹa 'te loiquiaqa'.

Qaláxasa qaỹa ga' ỹañoxot da' ỹ'oxoỹaxat ñi' qadacháxat. Jiñi'me ỹátaqta qalhuaxaic qataxa napinaxataic, qataxa ỹátaqta saqáchiỹi jen' sega'me dedónataxan 'me qoỹileem.

'Ami ỹaqai'ỹolqa, qaỹo' qomle da' jalcote jen' paxaguenataxanaxaic da' 'oñíita, qá'a sóxote 'auaỹáchiñii da' qo'mi 'me sapaxaguenataxanqátac, qo'mi naỹalóo'te ga' sa lec'óxotolec qane'uaxánaguec, sa senqá'am jen' qadaỹi.