Popular Bible Verses from 1 Amurǝm 18

Share

Oem, we Yahweh, oem, ace mǝnana ɓǝ̀ amǝnia yì aɓwana ka ɓǝà sǝlǝ ama, we Yahweh ka, a nda Ɓakuli, sǝ a nda aban pǝlǝ ɓabumia ɓǝà nyar ɗǝm a bano.>>

Lang bu-pwari mala pa ɓoro mala pwarikpǝra pángŋǝ̀nà ka, Iliya mǝɓangnǝa sung tù, sǝ bang ama, <<Yahweh Ɓakuli mala Ibǝrayim, andǝ Ishaku, andǝ Isǝrayila, tsǝa ɓǝ̀ aɓwana sǝlǝ yalung a Isǝrayila ama, a nda Ɓakuli, sǝ ɓǝà sǝlǝ ama, mǝ nda guro mò, sǝ ɓǝà sǝlǝ ama, amǝnia yì agir ǝn pea ka, cau mò na ǝn kpate ka.

Iliya sung tù aban aɓwe sǝ bang ama, <<Nǝ̀ sau lang sǝ wun nǝ̀ nggǝ ɗenggǝli a nre ka aɗenyicau ɓari? Ɓǝ̀ Yahweh nda Ɓakuli ka wu kpate, sǝ ɓǝ̀ Ba'al na ka, wu kpate.>> Sǝ kǝɓwa pǝlǝi wi kǝ cau ɗàng.

Kara bǝsa mala Yahweh sulǝo pisǝ gir'nkila mala pisǝe kǝring mǝnia, andǝ gimsa andǝ atali, andǝ kǝkǝri, sǝ imsǝ mùr mǝnana nda aɓa dā'ngal ka.

Lang aɓwe sǝni ka, à kpa nzali nǝ ɓamǝsǝia. À na ama, <<Yahweh nda Ɓakuli, Yahweh nda Ɓakuli.>>

A tongno-nong-ɓaria kusǝu ka, guro male bang ama, <<Ən sǝn pǝrɓang mǝkyauwe kǝla ɓabu ɓwa, eauwe kǝ yiu amur nggeamùr.>> Sǝ Iliya ne wi ama, <<Kyane ne Ahap ama, <Kùr waru-pǝr mò [arǝ apǝr], sǝ wu sulǝ akaurǝa, ace mǝnana mbulo ɓǝkǝa kasǝkuno raka.> >>

Rǝcandǝa mala Yahweh sulǝ amur Iliya, sǝ kàr nggea-daura male kùrì a taɓuni, ɓangŋa yi kútì Ahap, akidǝmba amur njar aban ká a bankutio a Jezǝril.

Pǝlǝa Iliya ne Ahap ama, <<O, kya lili sǝ wu nu, acemǝnana ǝn nggǝ ok gǝshi mbulo mǝcandǝe.>>

Ne guro male ama, <<Eauwe kya sǝnban nǝ njar nggeamùr.>> Sǝ eauwe kya sǝnban, sǝ bang ama, <<Kǝgir pà kàm ɗàng.>> Sǝ ne wi ɗǝm ama, <<Kyan ɗǝm>> kusǝ tongno-nong-ɓari.

Iliya pǝlǝa ne aɓwe ama, <<Wu sung abanam!>> Pǝlǝa aɓwana kat yiu abani. Sǝ gilǝki gyangŋan mala Yahweh mǝnana à arkini ka.

Wu tunǝ ɓakuli ma'wun, sǝ mǝ nǝ tunǝ Yahweh. Ɓakuli mana pa eare nǝ bǝsa ka, ɓǝ̀ duk Ɓakuli.>> Aɓwe kat pa eare ama, <<Cau mǝnana a ne ka, nda jik.>>

Iliya twal atali lum-nong-ɓari kǝla mana làkkì mala atau mala amuna-burana mala kèa Yakupu pàk ka, yì keà mǝnana cau mala Yahweh yiu abaní ama, <<Isǝrayila nǝ̀ duk lullǝo>> ka.

Nǝ pwarizǝkya ka, Iliya ɓangginǝia, na ama, <<Wu loasǝ gi wun kpǝm, yì ka ɓakuli na. Earka nda aban pakɗenyicau, ko nda aban doagung, ko twalnabǝri, ko nda a ntulo, wu loasǝi.>>

Nǝ amǝno yì atali ka sǝ ɓak gyangŋan aɓa lullǝ Yahweh. Sǝ gwam dā'ngal kàrì, mǝnana nǝ̀ gandǝ twal mùr lita lum-nong-ine ka.