Popular Bible Verses from 1 Amurǝm 19

Share

Anzǝm gǝggǝli mala nzali ka, bǝsa sǎ, sǝama Yahweh pà kàm aɓa bǝshe ɗàng. Anzǝm bǝshe ka, mǝgiu mǝɓuɓɓuki yiu.

Sǝama yì Iliya nǝ ɓamurǝi ka, twal gya mala nongŋo mwashat a ɓabondo, sǝ yi dumnǝdo a tǝrta muna-nggun. Sǝ zǝmbi Ɓakuli ace mǝnana ɓǝ̀ twal yilǝmi ka, bang ama, <<Karǝna anggo ado, We Yahweh, twal yilǝmem acemǝnana ǝn kútì akâ ɗàng.>>

Yahweh ne wi ama, <<Puro kya cam amur nkono aɓadǝm Yahweh, acemǝnana Yahweh no nǝ̀ ya kútí nǝ banì.>> Pǝlǝa ɓè nggea gung mǝcandǝe san nkonoe, sǝ arki atali bǝti-bǝti aɓadǝm Yahweh, sǝama Yahweh pà kàm aɓa gungnì ɗàng. Anzǝm gung ngga, nzali gǝggǝli, sǝama Yahweh pà kàm aɓa gǝggǝli mala nzali mǝno ɗàng.

Sǝ lang Iliya ok giuì ka, gìr ɓamǝsǝi nǝ daura-murɓe male, sǝ wario kya came a bankutio aɓa gumi-ɓa'talinì. Pǝlǝa ɓè giu ɗì ama, <<Iliya, mana a kǝ pak kani?>>

A ban mǝno ka, Iliya yi kútí aɓa gumi-ɓa'tali, sǝ nongŋo abanì; pǝlǝa Yahweh ɗì ama, <<Iliya, mana a kǝ pak kani?>>

Nda Iliya lo, li sǝ nu, sǝ kum rǝcandǝa mala gya mala nongŋo lumi-ine dù andǝ pwari, aban ká Horep, yì nkono mala Ɓakuli ka.

Pǝlǝa sarǝa nong'ntullo a tǝrta ɓè muna-nggun. Kara ɓè mǝturonjar je, sǝ ne wi ama, <<Lo, lìli.>>

Mǝturonjar mala Yahweh nyare yiu ɗǝm sǝ je Iliya, ne wi ama, <<Lo, lìli, acemǝnana gya mǝnana a dǝmbo ka mǝsauwe na.>>)

Iliya eari wi ama, <<Mǝ ndanǝ ɓabumpina kǝ̀rkǝ́r ace Yahweh, Ɓakuli Mǝtala Abangŋo; acemǝnana amǝ'Isǝrayila ka, à vwakinabuia arǝ kùrcau mò, à arkina agyangŋan mò, sǝ à walna amǝ'ɓangnǝa mô nǝ nggeabyau. Kǝ mǝ nda ǝn ueo, nǝmurǝam ngga, sǝ à ndaban alta yilǝmem à nǝ̀ twali.>>

Lang sǝnban ngga, sǝn kyak mǝnana à lurǝi amur nkalang bǝsa ka andǝ mùr aɓa dù nǝ ban múrí. Nda li sǝ nu, sǝ nong-nongŋo ɗǝm ngga.

Pǝlǝa Jezebel tasǝ mǝ'na-túrbân aban Iliya nǝ cau ama, <<Ɓǝ̀ aɓakuli pangnǝ mim, yale ɓǝ̀ kútì mǝno, ɓǝ̀ ǝn twal yilǝmo kǝla mǝnana a twal yilǝmi amǝ'ɓangnǝa mala Ba'al, liwi nǝ bu-pwari kǝla man raka.>>

Kat andǝ mǝno ka, Mǝ ndanǝ amǝkpatam á-tongno-nong-ɓari (7,000) kàm piu a Isǝrayila, mǝnana à ɓun nǝ ankūnǝia aɓadǝm Ba'al ɗàng, sǝ à peri abaní raka.>>

Nda Iliya loapi ban mǝno, sǝ kya kum Elisha muna-ɓwabura mala Shafat aban rikrya nǝ andá-rya mala nggun-rya lum-nong-ɓari, sǝ yì Elisha ka, nda mǝnana kǝ rikrya nǝ lum-nong-ɓaria nggun-rya ka. Pǝlǝa Iliya gya kútí nǝbani sǝ túrì wi daura-murɓe male amurí.

Nda Elisha nyarî tà Iliya, kya bwal anda-rya mala nggun-rya mwashat mǝno, pa'girnkila nǝia. Paktúró nǝ agirtúró rya sǝ lam nyamia, sǝ pè aɓwana à shè. Pǝlǝa lo o atà Iliya, pǝlǝ muna-ɓala male.

Elisha nying anda-rya male, ɓangŋa atà Iliya, sǝ ne wi ama, <<Ida, nyem mǝ nyare mǝ nggya tsǝk tárrám andǝ nggem a-ndà, sǝ mǝ nǝ kpato.>> Iliya eari wi ama, <<Nyare kyane, ǝn tamsǝo arǝ ká abania ɗàng.>>