Popular Bible Verses from मती 5

Share

मनका दिवो लगाड़ीनी कणा ठाबडा ने बुदे नीं राके, पण वणाय टुल्ला माते मेले हे नी वी घेर ने हेतय मनकय उजाळू आले हे। वणीस तरह हू तमारे उजाळू मनका ने हामे एवू समके के, व तमारे हाऊ कामा ने जुईनी तमारे बाप जी हरग मा हे वणाने बड़ाई करे।

“तमो दनिया ने हारू उजाळू हो। एक एवू गाम जी मगरा ने फुगी माते वसेलू हे वु हापी नीं हके हे।

दन्य हे व जणने मन पवितर हे, केमके व परमेसवर जुहीं।

दन्य हे व जी दरम ने काम करवा ने हारू उतावळअ हे, केमके परमेसवर वणने मरजी पुरी करहीं।

पण मुँ तमय हू कऊँ हूँ के, आपड़े दुसमणा हू बी परेम करो, जी तमय विताड़े हे वणने हारू परातना करो

“दन्य हे व जी मन ने दीन हे, हरग ने राज वणने हारूस हे।

दन्य हे वा जी मेल मिलाप ने काम करे हे, केमके व परमेसवर ने सुरा केवाहीं।

दन्य हे व जी रूई रेजअ हे, केमके परमेसवर वणय सानती आलहीं।

दन्य हे व जी दरम ने वजहू हू हतापजअ जय हे, केमके हरग ने राज वणनेस हे।

दन्य हे व जी दयालु हे, केमके वणअ माते दया किदी जाहीं।

“दन्य हो तमो, केमके मनका मारे वजहू तमारे अपमान करहीं नी तमय विताड़हीं नी मारे हारू तमारे विरोद मा जुटी वाती केहीं। तेरे तमो राजी थाईनी कईक आनन्द मनावजो, केमके हरग मा तमय इनु फल मलहीं। यू इमुस थाजू हे के, जेम तमय हू पेले परमेसवर ने हाड़े हू बुलवा वाले मनकय विताड़जा ता।

दन्य हे व जी नरम मन ने हे, केमके व तरती ने हकदार थाहीं।

“तमो तरती ने हरेक मनका ने हारू लुण हो, पण अगर लुण ने हवादुस वगड़ी जाए, ते पसे वणाय पासू हवाद मा केम करीनी लावहो? पसे वु कणा काम नु नीं रेजू पण वणाय बान्णे दड़जू जाए नी मनका ने पोग बुदे खदेड़जू जाए।

तणी तमो पुरा पाका बणो, जेवो तमारे हरग बाप पुरो पाको हे।”

पण तमारे वात ‘हा ने हा,’ या ‘ना ने ना’ थाए, केमके जी कई अणा हू वदार थाए हे वु बुराई ने हाड़े हू थाए हे।

“पेले केजू तु नी तमो हबली सुका हो, ‘आक ने बदला मा आक नी दात ने बदला मा दात।’ पण मुँ तमय हू कऊँ हूँ के, कणाक बुराई करवा वाला ने हाते बुराई नकी कर। पण अगर कणुक तारे जमणा गालजा माते एक थापेट वाए ते डावो गालजो बी वणा ने हाड़े करी दे।

तणी अगर तारे जमणी आक तय पाप ने वजअ बणावे ते, वणजी काडीनी सीटी दड़ी दे। केमके तय हारू यू पलू हे के, तारे सरीर मा हू एक अंग नास थाई जाए नी तारे पुरू सरीर नरक मा नीं दड़जू जाए। नी अगर तारे जमणो आत तय ठोकर ने वजअ बणावे ते वणाय कापीनी सीटी दड़ी दे, केमके तय हारू यू पलू हे के, तारे एक अंग नास थाई जाए नी तारे पुरू सरीर नरक मा नीं दड़जू जाए।