Popular Bible Verses from कुलुस्सियो 3

Share

एक दूजा री गळती नै चैन करौ अर कोई बात होवै तो एक दूजा नै माफ करौ। जिण तरैह ऊं परभु थांनै माफ करिया। थै लोग भी यूं हीज करौ।

धरती री नीं पण सरग री चीजों माथै ध्यांन लगावो।

जिकौ की थै करौ वो तन मन ऊं करौ अर ओ समझ नै करौ के थै ओ मिनखां रै वास्तै नीं पर परभु रै वास्तै करौ।

थै परमेसर रा चुणयोड़ा पवितर अर लाडला लोग हो। इण वास्तै थै दया, भलाई, नरमाई, धीरज अर सहनसीलता नै धारण कर लो।

मसीह रा वचन नै थै थांरा हिरदा में गेरा बेवण दो अर उणरै ग्यांन नै समझनै एक दूजा नै सीखाओ अर सावचेत करौ। परमेसर वास्तै आप आपरा हिरदा ऊं उणरा भजन, आतमा ऊं गीत अर सौभा धन्यवाद रै साथै गावो। कीं भी बोलो या करौ, वो सगळौ परभु यीसु मसीह रै नाम ऊं करौ अर उणरै जरियै पिता परमेसर रौ धन्यवाद करौ।

इण सगळौ ऊं बढ़न थै परैम रा पटा ऊं आपरी कमर बान्ध लौ, परैम सगळौ नै एक राखै है।

जद थै मसीह रै साथै जिवता हो गिया हो तो, सरग री चीजों नै सौधता रैवौ। जठै मसीह परमेसर रै जिमणा पाड़ै विराजमान है।

मसीह री सानति थांरा हिरदा में राज करै। जिणरै वास्तै थै लोग मसीह री एक काया बणन बुलायोड़ा हो। इणरै वास्तै थै परमेसर रौ धन्यवाद देता रैवौ।

इण वास्तै आपरी काया ऊं उण बातां नै मार दो जिकौ धरती री है। यानि व्यभिचार, भूंडा कांम, दुस्ट सौच, दुस्ट इछा अर लोभ, जिकौ मूरती पूजा रै बराबर है।

क्यूंकै थौरो जूनो सभाव तो मरग्यौ है अर अबै थौरी जिन्दगी मसीह रै साथै परमेसर में लुकयोड़ी है।

पर अबै थै भी इणरै सगळौ रै साथै रीसे बळनो, बैर राखणौ, निंदा करणी, घिरणा करणी अर मूंडा ऊं गाळियां बकणो छोड़ दो।

एक दूजा ऊं झूठ मत बोलो, क्यूंकै थै आपरौ जूनो सभाव नै दुस्ट बातां रै साथै उतारनै फेंक दियौ हो अर नवा सभाव नै पैहर लियौ है, जिकौ अपांनै बणाण वाळा रौ रूप है। जिणरै ग्यांन में अपां नित नवा होता रैवौ हो।

हे पतियो, थै आपो आपरी लुगाईयां ऊं हेत राखौ अर उणौ माथै कड़ाई मत करौ।

हे टाबरौ, थै सगळी तरैह ऊं आपरा मां बाप रा हुकम मांनो, क्यूंकै इण ऊं परभु राजी होवै।

हे लुगाईयां, जैड़ौ परभु नै चौखौ लागै, उणीज तरैह ऊं थै थौरे बींद रै कैणै में रैवौ।