Popular Bible Verses from 1 तीमुथियुस 2

Share

क्यूंकै परमेसर एक इज है, अर परमेसर अर मांनखै रै बीच में भी एक इज बिचवई है, अरथावूं यीसु मसीह जिकौ मिनख है। वो अपणै आप नै सगळौ रै छुटकारै रै दाम में दे दियौ, अर उणरी गवाई ठीक वगत माथै दीनी।

अबै म्हैं सगळा ऊं पैला ओ उपदेस देवूं हूं, की विनती, अर पराथना, अर निवेदन अर धन्यवाद सगळै मांनखै रै खातर कीं जावै। राजाओ अर सैंग ऊंचै पदवाळौ रै लियै पराथना करौ की म्हौ नरमाई अर सानति रै साथै सगळी भगती अर मांन ऊं जीवन बीता सकौ।

इण वास्तै म्हैं चावूं हूं की हरैक जगा मिनख, बिना रीस अर विवाद रै साचै मन ऊं हाथो नै उठायनै पराथना किया करै। व्यौंही लुगाईयां भी मांन अर समझदारी रै साथै सुहावनै कपड़ो ऊं अपणै आप नै संवारे, न की बाल गूंथनै अर सोने अर मोतियो अर बहुमोल कपड़ो ऊं, पण भलै कांमां ऊं। क्यूंकै परमेसर री भगती करणैवाळी लुगाईयां नै ओहीज उचित है।