Popular Bible Verses from 1 तीमुथियुस 1

Share

आ बात साची अर हरैक तरैह ऊं मानणै रै लायक है की यीसु मसीह पापियो रौ उद्धार करणै रै खातर जगत में आयौ, जिणमे सगळौ ऊं मोटो पापी म्हैं हूं।

पण म्हारै ऊपर इण खातर दया होई की म्हैं सगळौ ऊं मोटो पापी में यीसु मसीह पूरी धीरज दिखाई, की जिकौ लोग उण माथै अनत जीवन रै खातर विसवास करैला उणरै वास्तै म्हैं एक नमूनो बणूं।

म्हारै आग्या रौ मकसद ओ है की सुद्ध मन अर चौखौ अंतो, अर पको विसवास ऊं परैम पैदा होवै है।

अब सनातन राजा मतलब अविनासी, बिना देख्यां, एकाएक परमेसर रौ आदर अर महिमा होती रैवै। आमीन।

ओ जांणनै की कायदो धरमी जन रै वास्तै कोनीं पण अधरमियों, कायदो नै नीं मांनणैवाळौ, भक्तिहीनों, पापियो, अपवितर अर असुद्ध मिनखौ, मां-बाप नै घात करनै वाळौ, हत्यारो, व्यभिचारियो, मिनख मिनख रै साथै गळत कांम करण वाळौ, मिनख नै बेचनैवाळौ, झूठ बोलनेवाळौ, अर झूठी सौगन खावणवाळौ, अर इणरै उपरात खरै उपदेस रै सगळै विरोधियो रै खातर ठैराई गी है।