Popular Bible Verses from 1 तीमुथियुस 3

Share

इणमे वेम कोनीं की भगती रा समाचार गम्भीर है, अरथावूं, मसीह सरीर मांय परगट होयौ, आतमा मांय वो धरमी ठैरयो, अर सरगदूतो नै वो देठाळौ दियौ। दूजै देस में उणरौ परचार होयौ, जगत नै उण माथै विसवास करयौ, अर महिमा में वो ऊपर उठायौ गियौ।

ओ जरुरी है की कलीसिया रा अगुवा निरदोस, अर एक इज लुगाई रौ धणी, संयमी, समझदार, सभ्य, मेमाणो रौ आदर भाव करणैवाळौ, अर सिखाणै रै लायक हो।

आपरै घर नै सही ऊं चलातौ हो, अर आपरै लुगाई-टाबरां नै सगळी गम्भीरता ऊं आदर रै साथै अधीनता में राखतौ हो।

कलीसिया रा सेवक एक इज लुगाई रौ धणी होवै, अर लुगाई टाबरां अर आपरै घर नै सही चलाणौ जांणतौ होवै। क्यूंकै जिकौ कलीसिया रै सेवक रौ कांम सही तरैह ऊं कर सकै है, वे आपरै वास्तै बड़िया पद अर उण विसवास में जिकौ यीसु मसीह माथै है, मोटी हीमत हासल करै है।