Popular Bible Verses from 1 थिस्सलुनीकियो 5

Share

हमेसां आंणंद में रौ। लगातार पराथना में लागौड़ा रौ। हरैक बात में धन्यवाद करौ। क्यूंकै थौरे वास्तै यीसु मसीह में परमेसर री आहीज इछा है।

सानति रौ परमेसर आप ही थांनै पूरी रीत ऊं पवितर करै। अर थौरी आतमा अर प्रांण अर सरीर म्हौरै परभु यीसु मसीह रै आवण तांई पूरा पूरा निरदोस अर सावळ रै। थौरो बुलाणै वाळौ साचौ है, अर वो ऐड़ौ इज करैला।

सावचेत! कोई किणी ऊं बुराई रै बदळै बुराई नीं करौ। पण हमेसां भलाई करनै में तैयार रौ, आपस मांय अर सगळौ ऊं भलाई करणै री कोसीस करौ।

इण कारण एक दूजै नै सानति दो अर एक दूजै री उनति रौ कारण बणौ, ज्यूं की थै करौ भी हो।

हे भाइयो, म्हौ थांनै समझावौ हो की जिकौ लोग आळसी है उणौनै समझाओ, कायरों नै हीमत दो, गरीबो नै संभाळौ, सगळौ रै साथै धीरज राखौ।

क्यूंकै परमेसर अपांनै आपरी रीस रै डंड रै खातर कोनीं, पण इण वास्तै ठैराया है की अपां अपणै परभु यीसु मसीह रै तरफ ऊं उद्धार ग्रहण करौ।

क्यूंकै थै सैंग उजाळै री औळाद अर दिन री औळाद हो। म्हौ नीं रात रा हो, नीं अंधारै रा हो।