Popular Bible Verses from 1 थिस्सलुनीकियो 4

Share

तद अपां जिकौ जीवता अर बचया रैवौला उणरै साथै बादळो ऊपर उठा लिया जावोला की हवा में परभु ऊं मिळौ ला। अर इण रीत ऊं अपां हमेसां परभु रै साथै रैवौला।

क्यूंकै परभु आप इज सरग ऊं उतरैला। उण वेळा ललकार, अर परधान दूत रौ सबद सुणाई दैला, अर परमेसर री तुरही फूंकी जावैला। अर जिकौ मसीह में मरया है, वे पैला जी उठैला।

क्यूंकै परमेसर री इछा आ है की थै पवितर बणौ। अरथावूं व्यभिचार ऊं बचयोड़ा रौ, अर थौरे में ऊं हरैक पवितरता अर आदर रै साथै आपरे सरीर ने काबू में राखणी सीखे

क्यूंकै जे अपां विसवास करौ हो की यीसु मरया अर जी भी उठया, तो व्यौंही परमेसर उणौनै भी जिकौ यीसु में विसवास करनै मर गिया है, यीसु जद पाछौ आवैला उणौ नै साथै ले आवैला।

अर ज्यूं म्हौ थांनै आग्या दीनी है, व्यौंही चुपचाप रौ अर दूजौ रै कांम मे टांग नीं अड़ाओ अर अपणै अपणै हाथो ऊं कमाणै री कोसीस करौ

क्यूंकै परमेसर अपांनै असुद्ध होणै रै खातर कोनीं, पण पवितर होणै रै खातर बुलाया है।